ބޮލީވުޑްގެ ތަރި ޝާހްރުކް ޚާންގެ ދޮށީ ދަރިފުޅު އަރިއަން ޚާން ނިއު ދިއްލީން އެޕާޓްމަންޓްތަކެއް ގަނެފި އެވެ.
މީޑިއާތަކުން ބުނީ 26 އަހަރުގެ އަރިއަން ގަތިީ ބައްޕަ ޝާހްރުކާއި މަންމަ ގޯރީ ޚާން ކުރިން ދިއްލީގައި ދިރިއުޅުނު އެޕާޓްމަންޓްތަކެއް ކަމަށެވެ. އެގޮތުން ދިއްލީގެ ޕޮޝް ރެޒިޑެންޝަލް ނޭބަހުޑެއް ކަމަށްވާ ޕަންޗްޝީލް ޕާކްގެ ލަގްޒަރީ ކޮންޑޯއަކުން ދެ ފްލޯގެ އެޕާޓްމަންޓްތަކެއް އަރިއަން ގަނެފައިވެ އެވެ.
މީޑިއާތަކުން ބުނީ އެ މުއާމަލާތަށް 37 ކްރޯޑް ރުޕީސް (4.4 މިލިއަން ޑޮލަރު) ހޭދަކޮށްފައިވާ ކަމަށެވެ.
އިންޑިއާގެ ވެރިރަށް، ދިއްލީން އަރިއަން އަގުބޮޑު އެޕާޓްމަންޓްތަކެއް ގަތް އިރު، އޭނަ އަކީ ޑި'ޔަވޯލްގެ ނަމުގައި އަމިއްލަ ލަގްރަޒީ ވިޔަފާރި ބްރޭންޑެއް ވެސް ހިންގަމުން އަންނަ ޒުވާނެކެވެ. އެމެރިކާގެ ޔުނިވަސިޓީއަކުން ފިލްމު މޭކިން އިން ޑިގްރީ ހާސިލުކޮށްފައިވާ އަރިއަން މިހާރު އަންނަނީ އޭނަ ލިޔެ، ޑައިރެކްޓްކޮށް "ސްޓާޑަމް" ގެ ނަމުގައި ވެބް ސީރީޒެއް ވެސް ގެނެސްދޭން ތައްޔާރުވަމުންނެވެ.
މި އަހަރުގެ ކުރީކޮޅު ޝޫޓިން ނިންމާލި އެ ސީރީޒް މި އަހަރުގެ ފަހުކޮޅު މަޝްހޫރު ސްޓްރީމިން ޕްލެޓްފޯމަކުން ގެނެސްދޭނެ ކަމަށް މީޑިއާތަކުން ބުނެ އެވެ. "ސްޓާޑަމް" ހަދާފައި ވަނީ އަރިއަންގެ އާއިލީ ފިލްމު ކުންފުނި، ރެޑް ޗިލީސް އެންޓަޓައިންމަންޓްގެ ތައްގަނޑުގަ އެވެ.
އަރިއަން ދިއްލީން އެޕާޓްމަންޓްތަކެއް އޭނަގެ ކޮއްކޮ ބަތަލާ ސުހާނާ ޚާން މީގެ ކުރިން އަލީބޯގް އަގުބޮޑު ގެތަކެއް ގަނެފައިވެ އެވެ.
ތިން ކުދިން ތިބި ޝާހްރުކްގެ އަންހެނުން ގޯރީ އަކީ އިންޑިއާގެ ނުފޫޒު ގަދަ އިންޓީރިއާ ޑިޒައިނަރެކެވެ. މުމްބާއީގައި ހުންނަ އެ މީހުންގެ ގެ "މަންނަތު" އަކީ އިންޑިއާގެ އެންމެ އަގުބޮޑު އެއް ގެއެވެ.