ހުޅުމާލޭގައި ނުރައްކާތެރި އެކްސިޑެންޓެއް ހިނގައި އެކަކަށް ހޮސްޕިޓަލުގައި ފަރުވާދޭން ފަށައިފިއެވެ.
ފުލުހުން ބުނެފައިވަނީ ހުޅުމާލެ ފޭސް2 ވިނަރެސް ފްލެޓް ކައިރީގައި ކާރަކާއި ސައިކަލެއްޖެހި އެކްސިޑެންޓެއް ހިނގާފައިވާ ކަމަށެވެ. މި އެކްސިޑެންޓުގައި ސައިކަލުގައި އިން މީހާއަށް ލިބުނު އަނިޔާތަކަށް ފަރުވާދިނުމަށް ހުޅުމާލެ ހޮސްޕިޓަލަށް ގެންދެވިފައިވާ ކަމަށްވެސް ފުލުހުން މައުލޫމާތުދެއެވެ.
މައުލޫމާތު ލިބިފައިވާ ގޮތުގައި މި އެކްސިޑެންޓް ހިނގާފައިވަނީ ބާރު ސްޕީޑޫގައި އައި ކާރެއް ކޮންޓްރޯލުން ނެއްޓި މަގުގެ އެއްފާރުގައި މަޑުކޮށްގެން އިން ސައިކަލެއްގައި ޖެހިގެންނެވެ. ސައިކަލުގައި ކާރު ޖެހުނުލެއް ބާރުކަމުން، ސައިކަލުގައި އިންމީހާވަނީ ވިއްސައިގެން ގޮސް ދުރަށް ވެއްޓިފައެވެ.
މި އެކްސިޑެންތްގައި އަނިޔާ ލިބުނު މީހާގެ ހާލަތާ ގުޅޭ އިތުރު ތަފްސީލެއް އަދި ނުލިބެއެވެ.