ކުޑަދިންގެ ކުރިމަގު އުޖާލާކުރުމަށް ހަރުދަނާ ޖީލެއް ބިނާކުރުމަށް 10 ރަށެއްގައި ޚާއްސަ ޕްރޮގްރާމެއް ފަށައިފި އެވެ.
މި ޕްރޮގްރާމް ކުރިއަށް ގެންދާ ރަށްތަކުގެ ކައުންސިލްތަކަށް ޚާއްސަކޮށްގެން "ކުދިންނާ ގާތުން"ގެ ނަމުގައި ޚާއްސަ ފޯރަމެއް ވެސް މިއަދު ވަނީ 35 ބައިވެރިންނާ އެކީ ފަށައިފަ އެވެ.
ދެ ދުވަހުގެ މުއްދަތަށް ކުރިއަށް ގެންދާ ފޯރަމްގައި ޕްރޮގްރާމް ރަށްތަކުގައި ހިންގާނެ އުސޫލުތައްކަށް ކައުންސިލްތަކާއިި ކަމާގުޅުން ހުރި އިދާރާތައް އަހުލުވެރިކުރާނެ އެވެ.
ފޯރަމް ފެށުމަށް ބޭއްވި ރަސްމިއްޔާތުގައި ލޯކަލް ގަވަރަމަންޓް އޮތޯރިޓީ (އެލްޖީއޭ) ގެ ސީއީއޯ ޑރ. މަރްޔަމް ޒުލްފާ ވިދާޅުވީ ޔުނިސެފާ ގުޅިގެން ހިންގާ ޕްރޮގްރާމްގެ ބޭނުމަކީ ޔުނިސެފްގެ ދެމެހެއްޓެނިވި ތަރައްގީގެ ފްރޭމްވާކްގެ ދަށުން، ކުޑަކުދިންގެ ޙަޤުތައް ކަށަވަރުކޮށްދީ އެ ކުދިންނަކީ ހަރުދަނާ ބަޔަކަށް ހެދުމަށް އެހީވުން ކަމަށެވެ.
ޕްރޮގްރާމް ހިންގުމަށް ކަނޑައަޅާފައިވާ ރަށްރަށަކީ ކުޅުދުއްފުށި، ށ. ފުނަދޫ، ރ. މީދޫ، ބ. އޭދަފުށި، އއ. އުކުޅަސް، ވ. ފެލިދޫ، ދ. ކުޑަހުވަދޫ، ލ. ގަން، ފުވައްމުލައް އަދި އައްޑޫ ހިތަދު އެވެ.