ޓޯކުރުމުގެ ތެރޭގައި ޓެކްސީ ކާރަކަށް ބޮޑެތި ގެއްލުންތަކެއް ލިބުނު މައްސަލައެއް ފެންމަތިވުމާ ގުޅިގެން އެ މަރާމާތުކޮށްދީ، އެކަން ހިނގައި ދިޔަ ގޮތް ބަލާނެ ކަމަށް ފުލުހުން ބުނެފި އެވެ.
ސޯޝަލް މީޑިއާގައި މީހަކު އާންމުކުރި ޕޯސްޓެއްގައި ވަނީ ފުލުހުން ކާރެއް ޓޯކުރުމުގެ ތެރޭގައި އެއަށް ބޮޑެތި ގެއްލުންތަކެއްވެފައިވާ މަންޒަރު ފެންނަ ފޮޓޯތަކެއް އިއްޔެ އާންމުކޮށްގަ އެވެ. އެ މީހާ ވަނީ އެ މައްސަަލައިގައި ޒިންމާ ނަގާނީ ކޮން ފަރާތަކުންތޯ ސުވާލުކޮށް، ކަމާ ގުޅުން ހުރި މުއައްސަސާއަކަށް މައްސަލަ ހުށަޙަޅައިފި ނަމަ އިންސާފު ނުލިބި ދިގު މުއްދަތަކަށް ދެމިގެން ދާނެ ކަމަށް ވެސް ބުނެފަ އެވެ.
ދިވެހި ފުލުހުންގެ ޚިދުމަތުން ކާރަށް ލިބިފައިވާ ގެއްލުން ރަނގަޅުކުރުމަށް ވެރިފަރާތަށް އެހީތެރިވެދޭނެވާހަކަ ދަންނަވަން. އަދި މިކަން ހިނގާދިޔަގޮތުގެ ތަޙްޤީގެއް ފުލުހުންދަނީ ކުރަމުން.
— Ahmed Shifan (@Shifan4040) July 31, 2024
މި ޕޯސްޓާ ގުޅިގެން ފުލުހުންގެ ތަރުޖަމާނު އެސިސްޓެންޓް ކޮމިޝަނަރު އަހުމަދު ޝިފާން ވިދާޅުވީ ކާރަށް ލިބިފައިވާ ގެއްލުން ރަނގަޅު ކުރުމަށް ވެރިފަރާތަށް އެހީތެރިވެދޭނެ ކަމަށެވެ. އަދި އެކަން މިކަން ހިނގައި ދިޔަ ގޮތް ފުލުހުން ތަހުގީގު ކުރަމުން އަންނަ ކަމަށް ވިދާޅުވި އެވެ.