ކޮމަންވެލްތު ކްލައިމެޓް ފައިނޭންސް އެކްސެސް ހަބާ ގުޅިގެން ޕްރޮޖެކްޓް ޑިޒައިން އަދި ވަސީލަތްތައް އެއްކުރުމާ ގުޅޭ ވޯކްޝޮޕެއް އެންވަޔަރަމަންޓް މިނިސްޓްރީން ބާއްވައިފި އެވެ.
މި ވޯކްޝޮޕްގައި ސަރުކާރުގެ އެކި އިދާރާތަކާއި އަމިއްލަ ޖަމްޢިއްޔާތަކުން ބައިވެރިވެފައިވެ އެވެ. މިއީ އެކި ފަރާތްތަކުގެ ޤާބިލުކަން އިތުރުކުރުމަށް އަމާޒުކޮށްގެން ބޭއްވި ވޯރކްޝޮޕެކެވެ.
މީގެ މައިގަނޑު މަގުސަދަކީ ޕްރޮޖެކްޓްތައް ފަރުމާކުރުމާއި، އެކަމަށް ބޭނުންވާ ވަސީލަތްތައް ހޯދުމުގައި ބައިވެރިންގެ ހުނަރު އިތުރުކުރުމެވެ.
މިނިސްޓްރީން ބުނީ މި މަހުގެ 30 އާއި 31 އަށް ކުރިއަށް ގެންދިޔަ މި ވޯކްޝޮޕަކީ ރާއްޖޭގެ ތަރައްގީ އަށް މުހިންމު ޕްރޮޖެކްޓްތައް ރޭވުމާއި، އެކަމަށް ބޭނުންވާ ފައިސާ ހޯދުމުގެ ޤާބިލުކަން އިތުރުކުރުމަށް އެޅުނު މުހިންމު ފިޔަވަޅެއް ކަމަށް ދެކޭ ކަމަށެވެ.