ހަރުދަނާ ފެރީ ދަތުރުގެ ނިޒާމަކުން މުޅި ރާއްޖެ އަށް ގުޅައިލަން ފަށާފައި އޮތް ރާއްޖެ ޓްރާންސްޕޯޓް ލިންކް އާރްޓީއެލް) އާ ގުޅޭ ސާވޭއެއް ޖަޕާން އިންޓަނޭޝަނަލް ކޯޕަރޭޝަން އޭޖެންސީ (ޖައިކާ) އިން ކުރިއަށް ގެންގޮސްފިި އެވެ.
ޖަޕާން ސަރުކާރުގެ އެހީގައި ޖައިކާގެ ކޮންސަލްޓަންޓުންގެ ޓީމަކުން ރާއްޖޭގެ އެކި ހިސާބުތަކަށް ދަތުރުކޮށް ކުރިއަށް ގެންދިޔަ ސާވޭ އިން ލިބުނު މައުލޫމާތު މިހާރު ވަނީ ޓްރާންސްޕޯޓް މިނިސްޓްރީއާ ވެސް ރަސްމީކޮށް ހިއްސާ ކޮށްފަ އެވެ. އެގޮތުން އެ މިނިސްޓްރީއާ އެކީ ބޭއްވި ބައްދަލުވުމުގައި މިނިސްޓަރު މުހައްމަދު އަމީން ވެސް ބައިވެރިވެވަޑައިގެންނެވި އެވެ.
ޓްރާންސްޕޯޓް މިނިސްޓްރީން ބުނީ ޖައިކާ އިން އާރްޓީއެލްއާ ގުޅޭ ގޮތުން ކުރިއަށް ގެންދިޔަ ސާވޭ އަކީ އެ ނިޒާމު އިތުރަށް ހަރުދަނާކޮށް، ވަރުގަދަ ކުރުމަށްޓަކައި ޖައިކާ މެދުވެރިވެގެން ޖަޕާނުން އެހީ ހޯދަން މިނިސްޓްރީން ހުށަހެޅި ހުށަހެޅުންތަކަކާ ގުޅިގެން ކުރިއަށް ގެންދިޔަ ސާވޭއެެއް ކަމަށެވެ.
އެމްޓީސީސީއާ ހަވާލުކޮށްގެން ކުރިއަށް ގެންދާ އާރްޓީއެލްގެ ހިދުމަތް ރަސްމީ ފެށީ ޖޫން 12، 2022 ގަ އެވެ. އޭގެ ދަށުން އަންނަނީ ބޮޑެތި ބައެއް ސަރަހައްދުތަކުގައި ބަހުގެ ހިދުމަތް ވެސް އަންނަނީ ދެމުންނެވެ.
އާރްޓީއެލް ފެރީގެ ހިދުމަތް އެންމެ ފަހުން ދޭން ފެށީ ނ. އަތޮޅުގަ އެވެ.