މި ސަރުކާރުން އައި އިރު، ފެނަކަ އިން ކުންފުނިން ހިދުމަތްދޭ ރަށްރަށުގެ ތެރެއިން 29 ރަށަކަށް ބިލް ނުކޮށް ފެނުގެ ހިދުމަތް ދީފައިވާ ކަމަށް އެ ކުންފުނިން ބުނެފި އެވެ.
ފެނަކަ އިން މިހާރު ކުރިއަށްފާ ނޫސް ކޮންފަރެންސްގައުި މެނޭޖިން ޑިރެކްޓަރު މުހައްމަދު މުއާޒު ރަޝީދު ވިދާޅުވީ ބިލް ނުކޮށް ހިދުމަތް ދީފައިވާތީ އެކަމުގެ ސަބަބުން ފެނުގެ ހިދުމަތުން ލިބެން ޖެހޭ ވަރަށް ގިނަ ފައިސާ ގެއްލިފައިވާ ކަމަށެވެ. އަދި އޭގެ ސަބަނުން ކުންފުނީގެ މުވައްޒަޒަފުންނަށް މުސާރަ ދޭން ބޭނުންވާ ފައިސާ އާއި ހިދުމަތް ދޭން ބޭނުންކުރާ ވަސީލަތްތަތައް މަރާމާތުކޮށް ބެލެހެއްޓުން ފަދަ ކަންކަމަށް ވަރަށް ބޮޑެތި ދަތިތަކާ ކުރިމަތިލާން ޖެހިފައިވާ ކަމަށް ވިދާޅުވި އެވެ.
މުއާޒު ވިދާޅުވީ ބިލް ނުކޮށް ފެނުގެ ހިދުމަތް ދީފައިވާ ހައްދެއް ނެތް މިންވަރަށް ބައެއް ފަރާތްތަކުން ފެނުގެ ހިދުމަތް ބޭނުންކޮށްފައިވާ ކަމަށެވެ.
އޭނަ ވިދާޅުވީ ބިލް ނުކޮށް 29 ރަށަކަށް ފެނުގެ ހިދުމަތް ދީފައިވާ އިރު، އެކަން ކޮށްފައި ވަނީ ފެނުގެ ހިދުމަތް ފަށަން ނަގަން ޖެހޭ ލައިސަންސާއި އެ ނޫން ވެސް ބައެއް ކަންކަން ފުރިހަމަ ނުކޮށް ކަމަށެވެ. އެހެންވެ މިކަން މިހާރު ސަރުކާރު ކަމާބެހޭ އިދާރާތަކުގެ ސަމާލު ކަމަށް ވެސް ގެނެސްފައިވާ ކަމަށް ވިދާޅުވި އެވެ.