ވާނީ ކަޕޫރާއި އަޕަރްޝަކްތީ ކްރާނާގެ ފިލްމު "ބައްތަމީޒް ދިލް" ގެ ޝޫޓިން 32 ދުވަހުގެ ތެރޭގައި ނިންމައިލުމަށް ފަހު، ފިލްމު ރިލީޒްކުރާ ތާރީހު ވެސް އިއުލާންކޮށްފި އެވެ.
މެއި މަހުގެ ތެރޭގައި އިއުލާންކުރި ފިލްމުގެ ޝޫޓިން އިއްޔެ ނިންމާލައި ބުނީ ބެލުންތެރިންނަށް މި އަހަރުގެ ނޮވެމްބަރު 29 ގައި ފިލްމު ގެނެސްދޭނެ ކަމަށެވެ.
"ބައްތަމީޒް ގިލް" ޝޫޓްކޮށްފައި ވަނީ އިންޑިއާގެ ބެރިލީގެ އިތުރުން އިނގިރޭސިވިލާތުގެ ލަންޑަންގަ އެވެ. މި ފިލްމަކީ 2021 ގެ ކާމިޔާބު ފިލްމު "ޗަންދީގަޅް ކަރޭ އާޝިގީ" ގައި އަޔޫޝްމަން ކްރާނާއާ އެކީ މަސައްކަތް ކުރުމަށް ފަހު، އޭނަގެ ކޮއްކޮ އަޕަރްޝަކްތީއާ އެކީ ވާނީ ކުޅުނު ފުރަތަމަ ފިލްމެވެ.
"ބައްތަމީޒް ގިލް" ގެ ކާސްޓްގައި ޕަރޭޝް ރާވަލާއި ޝީބާ ޗައްޑާގެ އިތުރުން މޮނިކާ ޗައުދަރީ ވެސް ހިމެނެ އެވެ.
މި ފިލްމު ރިލީޒްކުރާ ތާރީހު އިއުލާންކުރި އިރު، ވާނީ އެންމެ އަވަހަށް ދެން ފެންނާނީ މި މަހުގެ 15 ގައި ރިލީޒްކުރާ އަކްޝޭ ކުމާރުގެ ކޮމެޑީ ފިލްމު "ކޭލް ކޭލް މޭ" އިންނެވެ. އަދި މި އަހަރުގެ ޑިސެމްބަރު 15 ގައި ސިނަމާތަކަށް ގެންނަން ހަމަޖެހިފައިވާ އަޖޭ ދޭވްގަންގެ "ރެއިޑް 2" އިން ވެސް ވާނީ ފެންނާނެ އެވެ.
ޔާޝްރާޖް ފިލްމްސް (ވައިއާރްއެފް) ގެ 2013 ގެ "ޝުދް ދޭސީ ރޮމޭންސް" އިން ބޮލީވުޑަށް ނުކުތް ބަތަލާގެ އެންމެ ފަހުގެ ފިލްމަކީ ރަންބީރް ކަޕޫރާ އެކީ ކުޅުނު އެ ސްޓޫޑިއޯގެ 2022 ގެ "ޝަމްޝޭރާ" އެވެ.
ވާނީ މިހާރު އަންނަނީ ޕާކިސްތާންގެ އެކްޓަރު ފަވާދު ޚާނާ އެކީ ކުޅެން ހަމަޖެހިފައިވާ ފިލްމަކަށް ތައްޔާރުވަމުންނެވެ.