އެތެރެހަށި ކިލަނބުކަމުން ދުރުކޮށް ސާފުކޮށް ބެހެއްޓުމަކީ ކޮންމެ މީހަކު ވެސް އެދޭ، އެހާމެ މުހިއްމު ކަމަކަށް ވެފައި، ޕެކެޓްކޮށްފައި ހުންނަ ބުއިންތަކަށް ވުރެ ޤުދްރަތީ ޖޫސްތައް ބޭނުންކުރުމުން އޭގެ ފައިދާ އެތައް ގުނައެއް އިތުރުވެގެންދާކަން އެއީ ކަށަވަރުވާ ކަމެކެވެ.
އެހެންކަމުން މިފަހަރު މިބަލައިލަނީ، ހަށިގަޑުތެރޭގައި އުފެދޭ ވިހަ މާއްދާތައް ބޭރުކޮށްދިނުމުގައި އެހީތެރިއެއްގެ ރޯލު އަދާކުރާ އެންޓައި-އޮކްސިޑެންޓް މަތީ މިންވަރަކަށް އެކުލެވޭ، ހަށިގަނޑަށް ލުއިކަން ގެނެސްދިނުމުގައި ދެވަނައެއް ނެތްފަދަ ޖޫހެއް ކަމުގައިވާ "ލުނބޯ-އިނގުރު-ޑިޓޮކްސް-ޖޫސް" ތައްޔާރު ކުރާނެ ގޮތުގެ މައްޗަށެވެ.
މިޖޫހަކީ ހެނދުނުގެ ގަޑިތަކުގައި ވެސް އާދަކޮށް ހިއްޕެވިދާނެ، ވިޓަމިން-ސީ އާއި މަތީ މިންވަރަކަށް ހަކަތަ ލިއްބައިދޭ ޖޫހެކެވެ. އަދި މެޓަބޯލިޒަމް ނުވަތަ ހަށިގަނޑުގެ ޙަރަކާތްތައް އިރުކުރުމުގައި ވެސް މި ޖޫސް އެހީތެރިއެއްގެ ރޯލު އަދާކޮށްދޭނެ އެވެ.
ބޭނުންވާނެ ތަކެތި: 1 ތަށި ސާފު ފެން، 1 ސަމުސާ ލުނބޯ، 1/2 އިންޗި ހުންނަ ވަރުގެ އިނގުރުކޮޅެއް.
ތައްޔާރު ކުރާނެގޮތް: އިނގުރުކޮޅު ގޭނުމަށް ފަހު (ގްރޭޓްކުރުން)، ލުނބޯ ދިޔަތަކާއި އެކު ފެންތަށީގެ ތެރެއަށް ލުމަށްފަހު ރަނގަޅަށް ގިރާލުން. އިތުރަށް ރަހަ ރަނގަޅުކޮށްލުމަށް ޓަކައި އައިސް-ކިއުބް ކޮޅެއް ލުމުން ފުދޭނެއެވެ.