އުރީދޫ މޯލްޑިވްސް އިން "ޕީސް ކޭބަލް" ގެ ހިދުމަތް ދޭން ފަށައިފި އެވެ.
މިއީ އެ ކުންފުނިން އިންވެސްޓްކޮށްގެން، ސިންގަޕޫރާއި ޔޫރަޕާއި އެފްރިކާގެ ރާއްޖެއާ ގުޅައިލެވޭ ގޮތަށް ކުޅުދުއްފުށްޓަށް އަޅާފައިވާ ބައިނަލްއަގުވާމީ ސަބްރިން ކޭބަލެކެވެ. ކުޅުދުއްފުއްޓާ ކޭބަލް ގުޅީ މި އަހަރުގެ ފެބްރުއަރީ މަހުގެ ތެރޭގަ އެވެ.
އުރީދޫއިން ބުނީ ހުޅުމާލެ ފިޔަވައި އިތުރު ރަށަކަށް އެޅި ފުރަތަމަ ބައިނަލްއަގުވާމީ އެ ސަބްމެރިން ކޭބަލާ އެކީ ރާއްޖެ އާއި ޔޫރަޕް އަދި ސިންގަޕޫރު މިހާރު ގުޅާލެވިފައިވާ ކަމަށެވެ.
"އުރީދޫން ރާއްޖޭގެ އާބާދީގެ 60 ޕަސަންޓު މީހުންނަށް މިހާރު 5G ގެ ހިދުމަތް މި ވަނީ ފޯރުކޮށް ދީފައި،" އުރީދޫ މޯލްޑިވްސް އެމްޑީ/ސީއީއޯ ހާލިދު އަލް ހަމާދީ ވިދާޅުވި އެވެ. "ކުރިއަށް އޮތް ތަނުގައި އަމާޒަކީ ރާއްޖޭގެ ހުރިހާ ސަރަހައްދަކަށް 5G ގެ ހިދުމަތް ފޯރުކޮށް ދިނުން."
5ޖީގެ ހިދުމަތް ލިބޭނެ ރަށްތަކަކީ އއ. ތޮއްޑޫ، އއ. ރަސްދޫ، އއ. މާމިގިލީ، އދ. މަަހިބަަދޫ، އދ. ދަނގެތި، ބ. އޭދަފުށި
ދ. ކުޑަހުވަދޫ، ފ. ނިލަންދޫ، ގއ. ވިލިނގިލި، ގދ. ތިނަދޫ، ހއ. ދިއްދޫ، ހއ. އިހަވަންދޫ، ހދ. ކުޅުދުއްފުށި، ކ. ގުރައިދޫ
ކ. މާފުށި، ޅ. ހިންނަވަރު، ޅ. ނައިފަރު، ނ. ވެލިދޫ، ރ. ދުވާފަރު، ރ. އުނގޫފާ، މ. މުލައް އަދި އައްޑޫ ހިތަދު އެވެ.
"ޕީސް ކޭބަލް" އާ އެކީ މުވާސަލާތީ ހިދުމަތް ދިނުމުގައި އިތުރު ފަސޭހަތަކެއް ލިބި، ހިދުމަތްތައް އިތުރަށް މަގުފަހިވާނެ ކަމަށް އުރީދޫން ބުނެ އެވެ.