ފަސް ގައުމު ވާދަކުރާ ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ) ވޮލީބޯލް ނޭޝަންސްގެ ސީނިއާ އަންހެން ލީގުގެ މިއަދު ނޭޕާލުގައި ފަށައިފި އެވެ.
މުބާރާތުގެ ފުރަތަމަ މެޗުގައި ބައްދަލު ކުރާނީ ނޭޕާލާއި ސްރީ ލަންކާއެވެ. އަދި މިއަދު ކުޅޭ ދެވަނަ މެޗުގައި ބައްދަލު ކުރާނީ އިންޑިއާ އާއި އީރާނެވެ. ރާއްޖެ ކުޅޭ ފުރަތަމަ މެޗުގައި މާދަމާ ހަވީރު ބައްދަލު ކުރާނީ އިންޑި އާއެވެ. އެ މެޗު ފަށަން ހަމަޖެހިފައި ވަނީ ރާއްޖެ ގަޑިން ހަވީރު 4:15 ގައެވެ.
މުބާރާތް ކުރިއަށް ދާނީ މިއަދުން ފެށިގެން 7 އަށެވެ. މުބާރާތުގައި ވާދަކުރާ ގައުމުތަކަކީ ނޭޕާލް، ރާއްޖެ، އީރާން، އިންޑިއާ އަދި ސްރީ ލަންކާ އެވެ.
އިންޑިއާއާ ދެކޮޅަށް ކުޅޭ މެޗަށް ފަހު ޖެހިގެން އަންނަ ދުވަހުގެ ހަވީރު ރާއްޖެ ކުޅޭ ދެވަނަ މެޗުގައި އީރާނާ ވާދަކުރާ އިރު، ތިންވަނަ މެޗުގައި މި މަހުގެ 4 ގައި ބައްދަލު ކުރާނީ ލަންކާއާއެ ވެ. އަދި ފަހު ބުރުގެ މެޗުގައި ރާއްޖެ ބައްދަލު ކުރާނީ ނޭޕާލާ އެވެ.
ރާއްޖޭގައި މިދިޔަ މަހުގެ 23 ގައި ނިންމައިލި ކާވާ 20 އަހަރުން ދަށުގެ އަންހެން ވޮލީބޯޅަ މުބާރާތުގެ ޗެމްޕިއަނަކީ ކިރްގިސްތާނެވެ.