ޖޯން އަބްރަހަމްގެ އެކްޝަން ޑްރާމާ "ވޭދާ" ގެ ޓްރެއިލާ މިއަދު އާންމުކޮށްފި އެވެ.
މި މަހުގެ 15 ގައި ސިނަމާތަކަށް ދޫކޮށްލަން ހަމަޖެހިފައިވާ މި ފިލްމަކީ އަނެއްކާ ވެސް އޭނަގެ ވަރުގަދަ އެކްޝަން ރޯލެއް ފެންނާނެ ފިލްމެކެވެ. ނިކިލް އަދުވާނީ ޑައިރެކްޓްކޮށްފައިވާ "ވޭދާ" ގެ ޓްރެއިލާ އިން މިއީ ވަރަށް ޝައުގުވެރި ހާދިސާތަކެއް ދައްކުވައި ދޭނެކަމުގެ ފިލްމެއްކަމުގެ ކުލަވަރު ގެނެސްދީފައިވެ އެވެ.
މި ފިލްމުގެ ކާސްޓްގައި ޖޫން މަހު ރިލީޒްކޮށް، ބޮކްސް އޮފީހުގައި ބޮޑު ކާމިޔާބީއެއް ހޯދި ހޮރޯ-ކޮމެޑީ "މުންޖިއާ" ގެ ބަތަލާ ޝަރުވާރީ ވާގް ވެސް ހިމެނެ އެވެ. "ވޭދާ" ގައި އަރަމުން އަންނަ ޒުވާން ބަތަލާ ފެންނާނީ ވަރަށް ޑިގްލެމަރަސް ރޯލަކުންނެވެ.
ފިލްމުގެ އިތުރު ކާސްޓުންގެ ތެރޭގައި ތަމަންނާ ބާޓިއާ، އަބީޝެކް ބެނަޖީ، ކުމުދު މިޝްރާ، އާޝިޝް ވިދިއާތީ އަދި ރަޖެންދުރަ ޗާވްލާ ހިމެނެ އެވެ. އަދި "ވޭދާ" ގެ ހާއްސަ ލަވައަކުން މޯނީ ރޯއި ވެސް ފެންނާނެ އެވެ.
މި ފިލްމު ރިލީޒްކުރަން އޮތް ދުވަހަކީ ބޮލީވުޑްގެ ބޮޑު އެހެން ދެ ފިލްމެއް ވެސް ގެނެސްދޭން ތާވަލުކޮށްފައި އޮތް ދުވަހެވެ. އެއީ އަކްޝޭ ކުމާރުގެ ކޮމެޑީ "ކޭލް ކޭލް މޭ" އާއި ޝްރަދާ ކަޕޫރްގެ ހޮރޯ-ކޮމެޑީ "އިސްތިރީ 2" އެވެ.
"ވޭދާ" އަކީ ޖޯންއާ އެކީ ނިކިލް 2019 ގައި ގެނެސްދިން "ބަތުލާ ހައުސް" އަށް ފަހު އޭނަ ޑައިރެކްޓްކޮށް، ގެނެސްދޭ ފުރަތަމަ ފިލްމެވެ.