ޒުވާން ހަތީބުން ތަމްރީނު ކުރުމުގެ ދެވަނަ ބެޗް މާލެ އާއި އައްޑޫގައި ރޭ ފަށައިފި އެވެ.
މި ފަހަރުގެ ޕްރޮގްރާމްގައި 200 ދަރިވަރުން ބައިވެރިވެ އެވެ.
ޒުވާން ޚަތީބުން ތަމްރީނު ކުރުމުގެ ދެބަނަ ބުރަށް ހުޅުވައިލުމުން 206 ދަރިވަރަކު ކުރިމަތިލި އެވެ. އަދި ބައިވެރިން ހޮވީ އިންޓަވިއު ކުރުމަށް ފަހު އެވެ. އިންޓަވިއު ކުރިއަށް ގެންދިޔައީ މާލެ އާއި އައްޑޫގެ އިތުރުން މ. އަތޮޅުގަ އެވެ.
އިސްލާމިކް މިނިސްޓްރީން ބުނީ މާލެ އާއި އައްޑޫ ފިޔަވައި އެހެން ހިސާބުތަކުން ޕްރޮގްރާމް ބައިވެރިވާ ދަރިވަރިންގެ ތަމްރީނު ކުރިއަށް ގެންދަނީ އޮންލައިންކޮށް ކަމަށެވެ.
މި އަހަރުގެ ކުރީކޮޅު ހިންގި ޒުވާން ޙަތީބުންފެ ޕްރޮގްރާމްގައި 77 ޒުވާނަކު ބައިވެރިވެ. 57 ދަރިވަރަކު ސަނަދު ހާސިލުކޮށްފައިވެ އެވެ.
މި ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހުކުރު ކުރުމުގެ ހުއްދަ ދޭން ކުރިއަށް ގެންދާ ޕްރޮގްރާމެކެވެ. އަމާޒަކީ އިމާމުވެ ހުކުރުކުރާ ޒުވާން އާ ޖީލެއް އުފެއްދުމެވެ.