ތިމާވެށި ރައްކާތެރިކޮށް ދެމެހެއްޓުމުގެ ގޮތުން ދެ ތިލައެއް ހިމާޔަތްކޮށްފި އެެވެ.
އަލަށް ހިމާޔަތްކުރި ދެ ތިލަ އަކީ ކ. ބޮޑުހިތި ތިލަ އާއި ކ. އޮއްކޮބޭ ތިލަ އެވެ.
އެންވަޔަރަމަންޓް މިނިސްޓްޓްރީން ބުނީ އެ ދެ ތިލަ އަކީ މިހާރު ޙިމާޔަތްކޮށްފައިވާ ސަރަހައްދެއްގެ ގޮތުގައި ކަނޑައަޅާފައިވާ ކަމަށެވެ. އަދި އެ ސަރަހައްދުތައް ބެލެހެއްޓުމުގައި އަމަލު ކުރާނީ ޤުދުރަތީ ނުވަތަ ތަބީއީ ގޮތުގައި ރައްކާތެރިކޮށް ދަމަހައްޓާ ތަންތަނާ ބެހޭ ގަވާއިދުގައިވާ ގޮތުގެ މަތިން ކަމަށް މިނިސްޓްރީން ބުންޏެވެ.
އޮއްކޮބޭ ތިލައަކ ކ. އަތޮޅުގެ އިރުމަތީ ފަރާތުގައި އޮންނަ ސަރަހައްދެކެވެ. އެ ސަރަހައްދަކީ ގިނަ އަދަދެއްގެ ކުދި ހޮހަޅަ އާއި "އޯވަހޭންގްސް" ހެދިފައިވާ ދިރޭ މުރަކައިގެ އިންސައްތަ ބޮޑު ސަރަހައްދެއް ކަމަށް އެންވަޔަރަމަންޓް މިނިސްޓްރީން ބުނެ އެވެ. އަދި އެކި ބާވަތްތަކުގެ ފަރުމަހާއ،ި މުރަކަ، ގައު އަދި އެކި ކުލަކުލައިގެ "ސޮފްޓް ކޮރަލް" މި ސަރަހައްދުގައި ގިނަ އަދަދަކަށް ފެނިފައިވާ ކަމަށާއި އެ ސަރަހައްދުގައި ކޮށްފައިވާ ދިރާސާތަކުން އެ ސަރަހައްދުން 73 ބާވަތުގެ މަސް ދިރިއުޅޭ ކަމަށް ވެސް މިނިސްޓްރީން ބުނެ އެވެ.
ބޮޑުހިތި ތިލަ ސަރަހައްދަކީ މާލެ އަތޮޅުގެ ހުޅަނގު ފަރާތުގައިވާ ސަރަހައްދެކެވެ. އެ ތިލަ އަކީ ކ. ރަސްފަރި އާއި ކ. އުލާނީ ފަޅާއި ދޭތެރޭގައިވާ ކަނޑުއޮޅި މެދުގައިވާ ތިލައެކެވެ. އެގޮތުން ގިނަ އަދަދެއްގެ މުރަކަ އާއި ފަރުމަސް އަދި ކަނޑުމަސް ދިރިއުޅެމުންދާ ތަނެކެވެ.
ބޮޑުހިތި ތިލަ އަކީ މިހާރު ވެސް އާންމުކޮށް ދިވެހިންނާއި ޓޫރިސްޓު ޑައިވްކުރަންް ވެސް ބޭނުންކުރާ ތިލައެކެވެ.