ގިނަ ބަޔަކު މި އަހަރު އެންމެ ބޮޑަށް އިންތިޒާރުކުރާ ބޮލީވުޑްގެ ފިލްމުތަކުގެ ތެރޭގައި ހިމެނޭ ކާތިކް އާރިއަންގެ ހޮރޯ-ކޮމެޑީ "ބޫލް ބުލައްޔާ 3" ގެ ޝޫޓިން ނިންމާލައިފި އެވެ.
ފިލްމުގެ ޝޫޓިން އިއްޔެ ނިންމާލައި އެކަން ފާހަގަކުރަން ކުޑަވަރެއްގެ ޕާޓީއެއް ވެސް ބާއްވާފައިވެ އެވެ.
ނޮވެމްބަރު މަހުގެ ތެރޭގައި ފާހަގަކުރާ ދިވާލީގައި ރިލީޒްކުރަން ނިންމާފައިވާ "ބޫލް ބުލައްޔާ 3" އަކީ ޑައިރެކްޓަރު އަނީސް ބަޒްމީ 2022 ގައި ކާތިކާ އެކީ ގެނެސްދިން ކާމިޔާބު "ބޫލް ބުލައްޔާ 2" ގެ ފޮލޯއަޕެކެވެ. ނަމަވެސް މި ފަހަރުގެ ކާސްޓަށް ބޮޑު ބަދަލެއް އައިސްފައިވެ އެވެ.
ކާތިކާ އެކީ މި ފަހަރު ބަތަލާގެ ރޯލުން ފެންނާނީ ޓްރިޕްތީ ދިމްރީ އެވެ. ދެވަނަ ބައިގެ ބަތަލާ އަކީ ކިއާރާ އަދުވާނީ އެވެ. އަދި އޭގައި ތައްބޫ ޑަބަލް ރޯލެއް ކުޅުނު ނަމަވެސް ތިން ވަނަ ބައިގައި އޭނަގެ އެއްވެސް ރޯލެއް ނެތެވެ.
"ބޫލް ބުލައްޔ 3" ގެ އިތުރު ކާސްޓުންގެ ތެރޭގައި ކާތިކް ނުވެސް ހިމެނޭ 2007 ގެ "ބޫލް ބުލައްޔާ" ގެ ބަތަލާ ވިދިއާ ބަލަން ހިމެނެ އެވެ. ރިޕޯޓްތައް ބުނާ މީގައި މަދޫރީ ޑިކްސިޓާއި ޕާކިސްތާންގެ މަޝްހޫރު އެކްޓަރު ފަވާދު ޚާންގެ ވަަރަށް ހާއްސަ ފެނިލުމެއް ވެސް ހިމެނޭނެ އެވެ. އެކަމަކު އެކަން ފިލްމުގެ ޓީމުން ކަށަވަރުކޮށް ދީފައެއް ނުވެ އެވެ.
ކާތިކްގެ އެންމެ ފަހުގެ ފިލްމަކީ ޖޫންގައި ރިލީޒްކުރި ސްޕޯޓްސް ބައޮގްރަފިކަލް ޑްރާމާ "ޗަންދޫ ޗެމްޕިއަން" އެވެ.