އަންނަ ބުދަ ދުވަހުގެ ރޭ އޮލިމްޕަހުގައި ޕްރީމިއާ ކުރަން ހަމަޖެހިފައިވާ ލޯބީގެ ބިރުވެރި ފިލްމު "ސާޔާ" ގެ އާ ޓްރެއިލާއެއް މިއަދު އާންމުކޮށްފި އެވެ.
މިއީ ޔޫސުފް ޝަފީއު (ޔޫއްޕެ) ލިޔެ، ޑައިރެކްޓްކޮށް މުހިއްމު ރޯލެއް ވެސް ކުޅެފައިވާ ފިލްމެކެވެ. "ސާޔާ" ގެ ލީޑް ކާސްޓްގައި ހިމެނެނީ ޔޫއްޕެގެ އިތުރުންް އައިމިނަތު ރަޝްފާ (އާޝާ) ގެ އިތުރުން އިބްރާހީމް ޖިހާދު (ޖިމީ) އެވެ.
މީގައި ދައްކުވައި ދޭނީ ފަޅު ރަށަކަށް ހަނީމޫނަށްދާ ދެމަފިރިއެއްގެ މެދުގައި އުފެދޭ މައްސަލަތަކެއްގެ ތެރެއިން ދިމާވާ ބިރުވެރި ހާދިސާތަކެކެވެ.
"ސާޔާ" އަކީ ޔޫއްޕެ ޕްރޮޑަކްޝަނާއި ޕްރޮޑިއުސަރު އިސްމާއީލް ޝަފީގުގެ ޝައި ޕްރޮޑަކްޝަން ގުޅިގެން ހަދާފައިވާ ފިލްމެކެވެ. މީގެ ޓިކެޓް އޮލިމްޕަހުން އަންނަނީ ވިއްކަމުންނެވެ.