ބޮލީވުޑްގެ މަޝްހޫރު/ޕްރޮޑިއުސަރު ޑައިރެކްޓަރު ވިދޫ ވިނޯދް ޗޯޕްޅާއާ ރާއްޖޭގެ ޓޫރިޒަމް މިނިސްޓަރު އިބްރާހީމް ފައިސަލް ބައްދަލު ކުރައްވައި މަޝްވަރާތަކެއްކޮށްފި އެވެ.
އެކަމާ ގުޅޭ ގޮތުން ސޯޝަލް މީޑިއާ ޕޯސްޓެއްގައި މިނިސްޓަރު އިއްޔެ ވިދާޅުވީ ވިދޫއާ އެކީ ކުރެވުނު މަޝްވަރާގައި ރާއްޖޭގައި ހިންގިދާނެ ޕްރޮޖެކްޓްތަކަކާ ގުޅޭ ގޮތުން ވާހަކަތަކެއް ދެކެވުނު ކަމަށެވެ.
Pleased to meet Mr. Vidhu Vinod Chopra, renowned Bollywood film director and producer. We had a wonderful afternoon discussing potential projects in the Maldives! pic.twitter.com/9S34mGJDcx
— Ibrahim Faisal (@ifaisalofficial) August 3, 2024
ވިދޫ އަކީ ބޮލީވުޑްގެ ޑައިރެކްޓަރުންގެ ތެރެއިން އެންމެ ކުޅަދާނަ އެކެކެވެ. އަދި އެންމެ ކާމިޔާބު އެއް ޕްރޮޑިއުސަރެވެ. ވިދޫ އެންމެ ފަހުން ޑައިރެކްޓްކޮށް ގެނެސްދިނީ ފިލްމަކީ މިދިޔަ އަހަރުގެ އެންމެ ކާމުޔާބު ފިލްމުތަކުގެ ތެރޭގައި ހިމެނޭ "ޓްވެލްތު ފެއިލް" އެވެ.
އޭނަ ޑައިރެކްޓްކުރި އެންމެ ފާހަގަކޮށްލެވޭ ފިލްމުތަކުގެ ތެރޭގައި "ޕަރިންދާ"، "1942: އަ ލަވް ސްޓޯރީ" އަދި "މިޝަން ކަޝްމީރު" ހިމެނެ އެވެ.
ވިދޫ އަކީ "މުންނާބާއީ" އާއި "3 އިޑިއަޓްސް" އާއި "ޕީކޭ" އަދި "ސަންޖޫ" ފަދަ ކާމިޔާބު ފިލްމުތަކުގެ ޕްރޮޑިއުސަރެވެ.
އުމުރުން މިހާރު 71 އަހަރުގެ ވިދޫ އަކީ މަޝްހޫރު ފިލްމު ކްރިޓިކް އަނޫޕަމާ ޗޯޕްޅާގެ ފިރިމީހާ އެވެ.