ކުރީގެ ސަރުކާރުގެ ދުވަސްވަރުން ފެށިގެން ދީނީ އިލްމުވެރިޔާ ޑރ. މުހައްމަދު އިޔާޒް އިސްލާމީ މަރުކަޒުގައި ހިންގަމުން ގެންދެވި ތަފުސީރު ކުލާހެއް ހުއްޓުވާފައި ނުވާނެ ކަމަށް އިސްލާމިކް މިނިސްޓަރު ޑޜ. މުހައްމަދު ޝަހީމް އަލީ ވިދާޅުވެއްޖެ އެވެ.
މިނިސްޓަރު އެގޮތަށް ވިދާޅުވީ ހަމާސްގެ ލީޑަރު އިސްމާއީލް ހަނިއްޔާގެ މައްޗަށް ޣައިބަށް ކަށުނަމާދު ކުރުމާ ގުޅޭ ގޮތުން އިސްލާމިކް ޝަހީމާ ދެމެދު އުފެދުނު ދެބަސްވުމުގައި ކްލާސް ހުއްޓުވާފައިވާ ކަމަށް އިޔާޒް ވިދާޅުވުމާ ގުޅިގެންނެވެ.
މިނިސްޓަރު ވިދާޅުވީ އިޔާޒްް ބަލިވެގެން ކަމަށް ވިދާޅުވެ އަމިއްލަ އަށް ދަރުސް ކުރިއަށް ގެންދިއުން ހުއްޓަލިތާ މަހެއްހާ މަސްވެއްޖެ ކަމަށެވެ.
"ކުރީގެ ސަރުކާރުގެ ދުވަސްވަރުން ފެށިގެން އަންނަ ދަރުސެއް ހުއްޓުވާފަ ނުވާނެ. އަލުން ދަރުސް ފަށަށް އެދުނީ މިއަދު [އިއްޔެ]،" ޝަހީމު ވިދާޅުވި އެވެ. "ދެ މަަރުކަޒް [އިސްލާމީ މަރުކަޒާއި ސަލްމާން މިސްކިތް] ނޫން ތަންތަނުގައި ކުރިއަށް ގެންދެވޭނެ ކަމަށް ވާނީ ދަންނަވާފައި."
އިޔާޒު ވިދާޅުވެފައި ވަނީ އޭނަ 2018 އިން ފެށިގެން ބާއްވަމުމން އަންނަ ތަފުސީރު ކުލާސް މެދުކެނޑިފައި އޮތީ ދަރިއަކު ބަލިވެގެން ރާއްޖޭން ބޭރަށް ވަޑައިގަތުމަށް ކަމަށާއި ޒަރޫރީ ކަމެއްގައި ރަށުން ބޭރަށް ވަޑައިގަތުމަށް ދަރުސް މެދުނޑާލުމަކީ ޝެއިޚަކު އަލަށް ކުރެއްވި ކަމެއް ނޫން ކަމަށެވެ.
"[ކްލާސްތައް] މެދުކެނޑުން އެއީ ކުށަކަށް ވާނަމަ އެއީ އަލަށް ވާ ކަމެއް ނޫން. ނަމަވެސް މެދުކެނޑިގެން ފިޔަވަޅު އެޅި ފުރަތަމަ ފަހަރު." އޭނަ ވިދާޅުވި އެވެ.