ކުރިއަށް އޮތް ދެ މަހެއްހާ ދުވަހުގެ ތެރޭގައި ޗައިނާއާ އެކީ މިނިވަން ވިޔަފާރި ފެށޭނެ ކަމަށް އިކޮނޮމިކް މިނިސްޓަރު މުގައްމަދު ސައީދު ވިދާޅުވެއްޖެއެވެ.
އިއްޔެ ފެށި މި އަހަރުގެ "މޯލްޑިވްސް އެކައުންޓަންޓްސް ފޯރަމް" ގައި މިނިސްޓަރު ވިދާޅުވީ ފައިނޭންސާއި އެކައުންޓީން ދާއިރާ އަކީ ސަރުކާރުން ވަރަށް ބޮޑު އިސްކަމެއް ދީގެން ކުރިއަރުވައި ހިމާޔަތްކުރަން މަސައްކަތް ކުރަމުން އަންނަ ދާއިރާއެއް ކަމަށެވެ. އަދި މިހާރު އާ މާކެޓްތައް ހޯދުމުގައި ބޮޑެތި ވިސްނުންތަކަށް މަގުކޮށައި ޖާގަ ދެމުން ކަމަށް ވެސް ސައީދު ވިދާޅުވި އެވެ.
އޭނަ ވިދާޅުވީ މީގެ ސަބަބުން ޚާއްޞަކޮށް ފައިނޭންސާއި އެކައުންޓެންސީ ދާއިރާއިން ދުނިޔޭގެ ބޮޑު ބާޒާރަށް ވަނުމުގެ ފުރުސަތުތައް ދިވެހިންނަށް ފަހިވެގެންދާނެ ކަމަށެވެ.
ސައީދު ވިދާޅުވީ، މިހާރު އޮތް ހާލަތު ބަދަލުކުރުމަށް އުންމީދާ އެކީ ދެމެހެއްޓެނިވި ގޮތަކަށް ކަންކަން އެނގިގެން ވިސްނުންތެރިކަމ އެކީ އަމާޒެއް އޮވެގެން އަމާޒު ޔަޤީންވާ ގޮތަށް މަސައްކަތްކުރުމަކީ މުހިންމު ކަމެއް ކަމަށެވެ.
ސަރުކާރުން ބުނެފައިވާ ގޮތުގައި ޗައިނާއާ އެކީ ހަދާފައިވާ ފްރީ ޓްރޭޑް އެގްރިމަންޓް (އެފްޓީއޭ) ނުވަތަ މިނިވަން ވިޔަފާރީގެ ސަބަބުބް ރާއްޖެ އަށް އިގުތިސާދީ ގޮތުން ބޮޑެތި ކުރިއެރުންތަކެއް ލިބޭނެ އެވެ.
ސަރުކާރުން އަމާޒު ހިފާފައި އޮތީ އަންނަ މަސް ނިމުމުގެ ކުރިން ޗައިނާގެ އެފްޓީއޭގެ އެއްބަސްވުން ތަންފީޒު ކުރަން ފެށުމަށެވެ. އޭގެ ސަބަބުން މަސްވެރިކަމުގެ 298 ބާވަތަކުން ޑިއުޓީ މާފު ވާނެ ކަމަށާއި އެޑެޑް އެކި ބާތްތަކުގެ ތެރެއިން 7،897 ބާވަތަކުން ޑިއުޓީ މާފު ވާނެ ކަމަށް ވެސް ބުނެފައިވެ އެވެ.