ސަރުކާރުން ޓެކްސީ ހިދުމަތުގެ ތެރެއަށް ވަންނަން އުޅޭތީ މާލޭގެ ޓެކްސީ ޑްރައިވަރުން އަނެއްކާ ވެސް މުޒާހަރާ ކުރަން ފަށައިފި އެވެ.
އެ މީހުން މިއަދު މުޒާހަރާ ކުރަމުން އަންނަނީ ހުޅުމާލޭގައި ހުންނަ އުމަރު ޒާހިރު އޮފީސް ބިލްޑިން ކައިރީގަ އެވެ. ޓްރާންސްޕޯޓް މިނިސްޓްރީ ހިންގަމުން އަންނަނީ އެތަނުގަ އެވެ. ޑްރައިވަރުން މިހާރު އަންނަނީ މިނިސްޓަރު މުހައްމަދު އަމީންގެ އިސްތިއުފާ އަށް ވެސް ގޮވަމުންނެވެ.
ޓެކްސީ ޑްރައިވަރުން ބުނާ ގޮތުގައި ސަރުކާރުން މި ހިދުމަތުގެ ތެރެއަށް ވަނުމަކީ ޓެކްސީގެ ހިދުމަތްދޭ އަމިއްލަ ފަރާތްތަކަށް ދެވޭނެ ވަރަށް ބޮޑު ގެއްލުމެކެވެ. އަދި މީގެ ސަބަބުން މާލެ ސަރަޖައްދުން 3،500 އެއްހާ ޓެކްސީ ޑްރައިވަރުން ހާލަތުގައި ޖެހި، އެތައް އާއިލާއެއް ބިކަވާނެ ކަމަށް ޑްރައިވަރުން އަންނަނީ ބުނަމުންނެވެ.
އެހެންވެ ސަރުކާރުން މި ހިދުމަތުގެ ތެރެއަށް ވަދެ، ވިޔަފާރި ކުރުމުގެ ވިސްނުން ދޫކޮށްލައި، މިހާރު ނިންމާފައި އޮތް ނިންމުމާ މެދު ދެވަނަ ވިސްނުމަކަށް ދާން ޑްރައިވަރުން ގޮވާލާފައިވެ އެވެ.