ރާއްޖޭގެ ސިޔާސީ ތާރީޚާ ބެހޭ ފޮތަކާއި އެކި ދާއިރާތަކުން ރާއްޖެ އަސް ޚިދުމަތްކުރެއްވި ބޭފުޅުންނާ ބެހޭ ގޮތުން ލިޔެފައިވާ ފޮތެއް ނެރެފި ފި އެވެ.
ވިލާ ކޮލެޖުން އަލަށް ތައާރަފުކުރާ ދެ ޑިގްރީ ޕްރިގްރާމެއް އިފުތިހާހު ކުރަން މިއަދު ބޭއްވި ރަސްމިއްޔާތުގައި "ދިވެހިރާއްޖޭގެ ސިޔާސީ ތާރީޚު 1" އާއި "ދިވެހިރާއްޖޭގައި އުފެދުނު ޝަރަފުވެރި ބޭބޭފުޅުންގެ ޒިކުރާގެ ތެރެއިން އުސްތާޛުނާއި ޢާލިމުން، އުދަބާއުނާއި ޝާޢިރުން" ގެ ނަމުގައި ލިޔެފައިވާ ފޮތްނެރެދެއްވީ ރައްޔިތުންގެ މަޖިލީހުގެ ރައީސް ޢަބްދުއްރަޙީމް ޢަބްދުﷲ އެވެ.
އެ ދެ ފޮތަ ކީވެސް ވިލާ ކޮލެޖުގެ ލެކްޗަރާ އަދި އަދި ތާރީޚީ ޢިލްމުވެރިޔާ އަޙްމަދު ޝާކިރު (ކަށިމާ) ލިޔުއްވާފައިވާ ދެ ފޮތެވެ.
އޭނަ ވިދާޅުވީ، ރާއްޖޭގެ ސިޔާސީ ތާރީޚާ ބެހޭ ފޮތެއް ލިޔުނީ މި ދާއިރާގައި ލިޔެފައިވާ ފޮތްތައް މަދުވެފައި އެފަދަ މަޢުލޫމާތު ހޯދޭނެ ގޮތްތައް ފަހިވެފައި ނެތުމުން ކަމަށެވެ.
"މި ފޮތް އަޅުގަނޑު ލިޔުންނީ ވަރަށް ތަފްސީލްކޮށް. މި ފޮތަކީ ބޭރު ދުނިޔޭގެ 13 ދައުލަތަކާ ވަރަށް ބޮޑު ގުޅުމެއް ރާއްޖެއާ ދެމެދު އޮތްކަމުގެ ވާހަކަ ކިޔައިދޭ ފޮތެއް." ޝާކިރު ވިދާޅުވި އެވެ.
ހިދުމަތްތެރިންގެ ފޮތާ ބެހޭ ގޮތުން ޝާކިރު ވިދާޅުވީ އެ ފޮތުގެ މައިގަނޑު މަގުސަދަކީ ރާއްޖެއަށް އެކި ދާއިރާތަކަށް ޚިދުމަތްކުރެއްވި ބޭބޭފުޅުންގެ މަޢުލޫމާތު އެއް ފޮތަކުން ފޯރުކޮށް ދިނުން ކަމަށެވެ. އެގޮތުން 34 ޚިދުމަތްތެރިއެއްގެ މަޢުލޫމާތު ފޮތުގައި ހިމެނޭނެކަމަށް ވިދާޅުވިއެވެ.
އެ ފޮތްތައް ވަރަށް އަވަހަށް އާންމުކޮށް ވިއްކަން ފަށާނެ އެވެ.