ސައިން ލެންގްއޭޖް ނުވަތަ އިޝާރާތުގެ ބަހުރުވަ ދަސްކޮށްދޭ ކޯސް ފަށައިފި އެވެ.
ސޯޝަލް އެންޑް ފެމިލީ މިނިސްޓްރީން އިންތިޒާމުކޮށްގެން ބާއްވާ މި ކޯހަކީ އަޑުއިވުމުން މަޙުރޫމް ވެފައިވާ މީހުންނަށް ދައުލަތުގެ މުވައްސަސާތަކުން ޚިދުމަތް ހޯދުމަށް އިތުރު ލުއި ފަސޭހަތަކެއް ހޯދައި ދިނުމުގެ މަގުސަދުގައި އެތަންތަނުގެ މުވައްޒަފުންނަށް ހާއްސަކޮށްގެން ފެށި ކޯހެކެވެ.
އެގޮތުން ކޯހުގެ ފުރަތަމަ ބުރުގައި މިނިސްޓްރީތަކާއި ވުޒާރާތަކާއި އެކި އިދާރާތަކާއި ކުންފުނިތަކުން މުވައްޒަފުން ބައިވެރިވެ އެވެ.
މިނިސްޓްރީން ބުނީ ސައިން ލެންގްއޭޖް ކޯހުގެ ފުރަތަމަ 2 ބެޗުގައި ޖުމްލަ 100 މީހަކު ބައިވެރިވާ ކަމަށެވެ. ކޯސް ކުރިއަށް ގެންދަން ހަމަޖެހިފައި ވަނީ ކުރިއަށް އޮތް 4 ހަފްތާގެ ނިޔަލަށް އެ މީހަކަށް ފަސޭހަ ގަޑިތަކުގައި ބައިވެރިވެ މަސައްކަތް ދެވޭ ވަކި މުއްދަތެއްގެ ތެރޭގައި ފުރިހަމަކުރާގޮ ތަށެވެ.
ސޯޝަލް މިނިސްޓްރީން ބުނީ ކުރިއަށް އޮތް ބެޗުތަކުގައި ބައިވެރިވުމުގެ ފުރުސަތު ކައުންސިލްތަކަށް ވަނީ ހުޅުވާލައިފަ އެވެ.