އިންޑިއާގެ މަޝްހޫރު ފިލްމީ ތަރި، އަމީތާބް ބައްޗަން ސޮނީ ޓީވީގައި ހޯސްޓްކުރާ ޝޯ ކޯން ބަނޭގާ ކަރޯޑް ޕަތީ (ކޭބީސީ) ގެ 16 ވަމަ ސީޒަން މި މަހުގެ 12 ވަނަ ދުވަހުގެ ރޭ ޕްރީމިއާ ކުރަން ނިންމައިފި އެވެ.
ޝޯ ގެނެސްދޭން ފަށާ ތާރީހު އިއުލާންކޮށް އަންނަނީ ޕްރޮމޯތަކެއް ވެސް ދައްކަމުންނެވެ. ޝޯ ޕްރީމިއާ ކުރާނީ 12 ވަނަ ދުވަހުގެ ރޭ ރާއްޖެ ގަޑިން 8:30 އެވެ.
"ކޭބީސީ" އަކީ 2000 ވަނަ އަހަރުން ފެށިގެން ގެނެސްދެމުން އަންނަ ޝޯއެކެވެ. މިއީ މަޝްހޫރު އިނގިރޭސި ޝޯ "ހޫ ވޯންޓްސް ޓު ބީ އާ މިލިއަނާ؟" ގެ ހިންދީ ވާޝަނެވެ.
އަމީތާބް ހޯސްޓެއްގެ ގޮތުގައި "ކޭބީސީ" ގެނެސްދޭ އިރު ގިނަ ބަޔަކު އެންމެ އަޅައިގަންނަ ކަންކަމުގެ ތެރޭގައި އޭނަގެ ކިބައިގައި ހުންނަ ވާހަކަ ދެއްކުމުގެ ހުނަރާއި ހާއްސަކޮށް މުއްސަނދި ހިންދީ ބަހުން ވާހަކަ ދެއްކުމުގެ އިތުރަށް ބައިވެރިންނާއި އޯޑިއަންސާ އެކު ބާއްވާ ގާތް ގުޅުމާއި ޝޯ އަށް ހެދުން އަޅާ ގޮތް ހިމެނެ އެވެ.
"ކޭބީސީ" އަކީ ވަރަށް ގިނަ ބައެއްގެ މެދުގައި މަގުބޫލު އަދި އޭގައި ބައިވެރިވެގެން ފައިސާގެ ބޮޑެތި އިމާނުތަކެއް ލިބޭ ޝޯއެކެވެ. މި ޝޯގެ ސަބަބުން އިންޑިއާގެ އެތައް ބައެއްގެ ދިރިއުޅުމަށް ވަރަށް ބޮޑު ހެޔޮ ބަދަލުތަކެއް މިހާތަނަށް އައިސްފައިވެ އެވެ.