"ގުޅިގެން މީރާ" ގެ ނަމުގައި އިނިޝިއޭޓިވްއެއް އިފުތިތާހުކޮށްފިއެވެ.
މި އިނިޝިއޭޓިވް އިފުތިތާހުކޮށްފައި ވަނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ 14 ވަނަ އަހަރީ ދުވަސް ފާހަގަކުރަން ބޭއްވި ރަސްމިއްޔާތުގައި ފިނޭންސް މިނިސްޓަރު ޑރ. މުހައްމަދު ޝަފީގެވެ.
"ގުޅިގެން މީރާ" އަކީ މީރާ އާއި ޓެކްސް ދައްކާ ފަރާތްތަކާ ދެމެދު އޮންނަ ގުޅުން އިތުރަށް ވަރުގަދަ ކުރުމަށާއި، ޓެކްސް ދައްކާ ފަރާތްތަކުން މީރާއަށް ކުރާ އިތުބާރު އިތުރުކުރުމާއި، އެ އިދާރާގެ ސްޓޭކްހޯލްޑަރުންނާ އޮންނަ ގުޅުން ވަރުގަދަކޮށް، ވޮލަންޓަރީ ކޮމްޕްލަޔަންސް އިތުރުކުރުމަށްޓަކައި ފެށި ކަމެކެވެ.
މީގެ ދަށުން މީރާ އިން ދެމުން އަންނަ ޚިދުމަތްތައް އިތުރަށް ފަހިކޮށް ދިނުމަކީ އަމާޒެކެވެ.
މީރާ އިން ބުނީ "ގުޅިގެން މީރާ" ގެ ދަށުން އެތަނުގެ މުވައްޒަފުންގެ މެދުގައި ވެސް ހަރަކާތްތަކެއް ރާވައިގެން ކުރިއަށް ގެންދާނެ ކަމަށެވެ.