މޮޅު ނެށުންތެރިއެއްގެ ގޮތުގައި ވެސް ފާހަގަކޮށްލެވޭ ބޮލީވުޑްގެ އެކްޓަރު ޓައިގާ ޝްރޮފް މުމްބާއީގައި ޑާންސް އެކަޑެމީއެއް ހުޅުވާލައިފި އެވެ.
އެތަން ހުޅުވީ "މެޓްރިކްސް ޑާންސް އެކަޑެމީ" ގެ ނަމުގަ އެވެ. "މެޓްރިކްސް" ބްރޭންޑް ނަމެއްގެ ގޮތުގައި ޓައިގާ އާއި އޭނަގެ ކޮއްކޮ ކްރިޝްނާ ޝްރޮފް އަންނަނީ "މެޓްރިކްސް މާޝަލް އާޓްސް" ސްޓޫޑިއޯއެއް ހިންގުމުގެ އިތުރަށް އެކްޓިވްވެއާ އާއި އެކްސެސަރީޒްތަކެއް ވެސް ވިއްކަމުންނެވެ.
"މެޓްރިކްސް ޑާންސް އެކަޑެމީ" އިން ނެށުމުގެ ދާއިރާ އިން ކުރިއަށް ދާން ބޭނުންވާ ޒުވާނުންނަށް ނެށުމުގެ ތަފާތު ކޯސްތައް ހިންގާނެ އެވެ. އެގޮތުން އެތަނުން ކޮންޓެމްޕޮރަރީ، ޖޭޗް، ހިޕް-ހޮޕް އަދި ބެލޭ އާއި އެ ނޫން ވެސް އެތައް ވައްތަރެއްގެ ޑާންސް ފޯމްތައް ދަސްކޮށް ދޭނެ އެވެ.
ޓައިގާ އަކީ މިހާތަނަށް އޭނަގެ ހުރިހާ ފިލްމުތަކެއްގެ ލަވަތަކުގައި ވެސް މޮޅެތި ނެށުންތަކެއް ދައްކާލާފައިވާ އެކްޓަރެކެވެ. އޭނަ އަކީ މަޝްހޫރު އެކްޓަރު ޖެކީ ޝްރޮފްގެ ދަރިއެކެވެ.