ބޮލީވުޑްގެ ޒުވާން ބަތަލާ އަނަންޔާ ޕާންޑޭގެ އާ ފިލްމު "ކޮންޓްރޯލް" ނެޓްފްލިކްސް އިން ޕްރީމިއާކުރަން ނިންމައި، އެ ގެނެސްދޭ ތާރީހު މިއަދު އިއުލާންކޮށްފި އެވެ.
ސިނަމާތަކަށް ނުގެނެސް މި ފިލްމު ބެލުންތެރިންނަށް ނެޓްފްލިކްސް އިން ދޫކޮށްލާނީ އޮކްޓޯބަރު މަހުގެ 4 ގަ އެވެ.
"ކޮންޓްރޯލް" އަކީ ވިކްރަމަދިތިޔަ ޑައިރެކްޓްކޮށްފައިވާ ތުރިލާއެކެވެ. އޭނަ އަކީ "އުޅާން" އާއި "ލުޓޭރާ" އަދި "ޓްރެފްޑް" ފަދަ މަގުބޫލު ފިލްމުތައް ގެނެސްދިން ޑައިރެކްޓްރެވެ. ވިކްރަމްގެ އެންމެ ފަހުގެ ފިލްމަކީ 2020 ގައި ނެޓްފްލިކްސް އިން ގެނެސްދިން "އޭކޭ ވާސަސް އޭކޭ" އެވެ.
އަނަންޔާއާ އެކީ "ކޮންޓްރޯލް" ގައި ބަތަލުގެ ރޯލު ކުޅެފައި ވަނީ ވިހާން ސަމަތެވެ.