ހުޅުމާލޭގެ ފޭސް ދޭއްގެ ހިޔާ ޓަވަރެއްގައި މިއަދު ދަތުގެ ފަރުވާތަކަށް ހާއްސަ ކްލިނިކެއް ހުޅުވައިފި އެވެ.
"މައި ފެމިލީ ޑެންޓިސްޓް" ގެ ނަމުގައި އެ ކްލިނިކް ހުޅުވީ ހިޔާ ޓަވަރު 3 ގަ އެވެ.
އެ ކްލިނިކަކީ ނާޑު ޕްރައިވެޓް ލިމިޓެޑުން ހުޅުވި ކްލިނިކެކެވެ. އަދި މިއީ ސްރީ ލަންކާގައި ފުޅާ ދާއިރާއެއްގައި ދަތުގެ ފަރާތުތައް ދެމުން އަންނަ މައި-ޑެންޓިސްޓްއާ ގުޅިގެން ހުޅުވި ކްލިނިކެކެވެ.
"މައި ފަމިލީ ޑެންޓިސްޓް" އަކީ އެންމެ ފަހުގެ ޓެކްނޮލޮޖީގެ އެހީގައި ދަތުގެ އެކި ފަރުވާތައް ދޭނެ ތަނެކެވެ. ކްލިނިކްގައި ޚިދުމަތް ދޭނީ ތަޖުރިބާކާރު ޕްރޮފެޝަނަލް ޑެންޓިސްޓުންގެ ޓީމަކުންނެވެ. އެގޮތުން ހިދުމަތް ފެށީ ތިން ޑޮކްޓަރަކާ އެކީގަ އެވެ.