މި އަހަރުގެ މިހާތަނަށް ރާއްޖެ އައި ޓޫރިސްޓުންގެ އަދަދު 1.2 މިލިއަނަށް އަރައިފި އެވެ.
އެންމެ ފަހުގެ ޓޫރިސްޓް އެރައިވަލްސްގެ ތަފާސްހިސާބުތައް ދައްކާ ގޮތުން އިއްޔެއާ ހަމައަށް ރާއްޖެ އަށް ޖުމްލަ 1،209364 ޓޫރިސްޓުން އައިސްފައިވެ އެވެ. އަދި ގަދަ ތިނެއްގައި ހިމެނެނީ ޗައިނާ (165،761 ޓޫރިސްޓުން)، ރަޝިއާ (129،445 ޓޫރިސްޓުން) އަދި އިނގިރޭސިވިލާތް (106،792 ޓޫރިސްޓުން) އެވެ.
ލައްކައަކަށް ވުރެ ގިނަ ޓޫރިސްޓުން މިހާތަނަށް އައިސްފައި ވަނީ މި ތިން ގައުމުން އެކަންޏެވެ.
މިހާރު ރާއްޖޭގެ ގަދަ 10 ލިސްޓަށް ބަލާ އިރު މީގެ ތެރޭގައި ދެން ހިމެނެނީ އިޓަލީ (88،273 ޓޫރިސްޓުން)، ޖަރުމަން (87،901 ޓޫރިސްޓުން)، އިންޑިއާ (72،883 ޓޫރިސްޓުން)، އެމެރިކާ (42،637 ޓޫރިސްޓުން)، ފްރާންސް (36،405 ޓޫރިސްޓުން)، ސްވިޓްޒަލޭންޑް (24،906 ޓޫރިސްޓުން) އަދި ސްޕެއިން (23.184 ޓޫރިސްޓުން) އެވެ.
ރާއްޖޭގެ މި އަހަރުގެ ޓާގެޓަކީ މަދުވެގެން 2 މިލިއަން ޓޫރިސްޓުން ގެނައުމެވެ.