މިހާރު ސިޔާސީ މަސްރަހު ވަަރަށް ބޮޑަށް ހަލަބޮލިވެ، ހަމަނުޖެހުންތައް ވެސް ބޮޑުވެފައި އޮތް އޮތް ބަންގްލަދޭޝް އަށް ރާއްޖޭގެ ގައުމީ އެއާލައިން، މޯލްޑިވިއަނުން ކުރަމުން އައި ދަތުރުތައް ވަގުތީ ގޮތުން މެދުކަނޑާލައިފި އެވެ.
އެ އެއާލައިން އޮޕަރޭޓްކުރާ އައިލޭންޑް އޭވިއޭޝަން ސާވިސެސް (އައިއޭއެސް) އިން ބުނީ މިއަދުން ފެށިގެން ޑާކާ ދަތުރުތައް ވަގުތީގޮތުން މެދުކަނޑާލާފައިވާ ކަމަށެވެ. އަދި އަލުން ދަތުރުތައް ފަށާނެ ތާރީޚެއް ފަހުން އިއުލާން ކުރާނެ ކަމަށް ބުންޏެވެ.
ބަންގްލަދޭޝްއަކީ މޯލްޑިވިއަނުން ދަތުރުތައް ބާއްވަމުން ދެ ގައުމުގެ ތެރެއިން އެއް ގައުމެވެ. އެ އެއާލައިނުން ކޮންމެ ހަފްތާއަކު ވެސް ޑާކާއަށް ދަތުރުތައް ބާއްވަ އެވެ.
މޯލްޑިވިއަނުން އުދުހޭ އަނެއް ގައުމަކީ އިންޑިއާ އެވެ.
ބަންގްލަދޭޝްގެ ސަރުކާރާ ދެކޮޅަށް މިދިޔަ މަހުބް ފެށިގެން ބޮޑެތި މުޒާހަރާތަކެއް ކުރަމުން ދަނިކޮށް، ބޮޑުވަޒީރު ޝޭހް ހަސީނާ އިއްޔެ ވަނީ އިސްތިއުފާ ދެއްވައިގެން ފިއްލަވައިގެން އިންޑިއާ އަށް ވަޑައިގެންފަ އެވެ.