އިސްތިއުފާ ދެއްވައި އިއްޔެ ފިއްލަވައިގެން އިިންޑިއާ އަށް ވަޑައިގެންނެވި ބަންގްލަދޭޝްގެ ކުރީގެ ބޮޑުވަޒީރު ޝޭހް ހަސީނާގެ ދިފާއިގައި އިންޑިއާގެ މަޝްހޫރު ބަތަލާ ކަންގަނާ ރަނާވަތު ވާހަކަ ދައްކައިފި އެވެ.
އިންޑިއާގެ ގާނޫނު ހަދާ މަޖިލީހުގެ ތިރިގެ، ލޯކް ސަބާގައި ވެރިކަން ކުރާ ބީޖޭޕީ ތަމްސީލުކުރާ މެންބަރު ސޯޝަލް މިޑިއާ ޕޯސްޓެއްގައި ބުނީ އިންޑިއާ އަކީ ރައްކާތެރި ގައުމެއް ކަމަށް ގަބޫލު ކުރައްވައި ހަސީނާ އެ ގައުމަށް ވަޑައިގެންނެވުމަކި އިންޑިއާ އަށް ލިބުނު ޝަރަފެއް ކަމަށާއި އެކަމާ އުފާ ވެސް ކުރާ ކަމަށެވެ.
އަދ އިންޑިއާ އަކީ އަބަދު ވެސް މުސްލިމުންނަށް އެންމެ ރައްކާތެރި ގައުމު ކަމަށާއި އެކަން މިފަދަ ކަންކަމުން ވެސް ސާބިތުވާނެ ކަމަށް ކަންގަނާ ބުންޏެވެ.
Bharat is the original motherland of all Islamic Republics around us. We are honoured and flattered that honourable Prime Minister of Bangladesh feels safe in Bharat but all those who live in India and keep asking why Hindu Rashtra? Why Ram Rajya? Well it is evident why!!!
No… https://t.co/wMqlpBquUo— Kangana Ranaut (@KanganaTeam) August 5, 2024
އޭނަ ވުނީ މުސްލިމު ގައުމުތަކުގައި އެއްވެސް ރައްކާތެރި ކަމެއް ނެތް ކަމަށާއި ހުދު މުސްލިމުންގެ މެދުގައި ވެސް އަމާންކަމާއި ރައްކާތެރި ކަމެއް ނެތް ކަމަށެވެ. އެގޮތުން ބަންގަލަދޭޝް އާއި އަފްގާސްތާނާއި ޕާކިސްތާން ފަދަ ގައުމުތަކުގައި ހާލަތުން އެކަންް އެނގޭ ކަމަށް ކަންގަނާ ބުންނެވެ.
އަބަދު ވެސް މުސްލިމުން މެދު ވަރަށް ހަރުކަށި ފިކުރުތަކެއް ގެންގުޅޭ ބަތަލާ ބުނީ އިންޑިއާ ހުރިހާ ޒަމާނެއްގައި ވެސް މުސްލިމުންނަށް އެންމެ ރައްކާތެރި ގައުމު ކަމަށެވެ. ކަންގަނާ މިފަދަ މޭރުމަކުން މުސްލިމުން "ދެރަކޮށްލުމުގެ" ގޮތުން ވާހަކަ ދެއްކި އިރު، ވެރިކަން ކުރާ ބީޖޭޕީ އަކީ އަބަދު ވެސް މުސްލިމުންނާ މެދު ވަރަށް އަޑި ނުބައި އެޖެންޑާއެއް ގެންގުޅޭ ޕާޓީއެކެކެވެ. އަދި އިންޑިއާގައި އަބަދު ވެސް ހަރުކަށި ހިންދޫނމްގެ ފަރާތުން އެތައް ތުރާތަކެއް ކުރިމަތިވެ އެވެ.
ރިޕޯޓްތައް ބުނާ ގޮތުން އިންޑިއާގެ ސަރުކާރުގެ ހިމާޔަތުގައި ހުންނެވުމަށް ފަހު، ހަސީނާ ދެން ވަޑައިގަންނަވަނީ އިނގިރޭސިވިލާރުގެ ލަންޑަނަށެވެ. އޭނަ އިއްޔެ އިސްތިއުފާ ދެއްވައި ގައުމުން ފިއްލެވީ ސަރުކާރާ ދެކޮޅަށް މިދިޔަ މަހުން ފެށިގެން ބޮޑެތި މުޒާހަރާތަކެއް ކުރަމުން ދަނިކޮށެވެ.
ހަސީނާ ގައުމުން ވަޑައިގެންނެވުމުން އެކަމުގެ އުފާ އެތައް ބަޔަކު އަންނަނީ މިހާރު ފާޅު ކުރަމުންނެވެ.