މިދިޔަ އަހަރުގެ އޮކްޓޯރަ މަހުގެ 7 ގައި ހަމާސް އިން އިޒްލޭށް ދިން ހަމަލާގައި އދ. ރެފިއުޖީންނާ ބެހޭ އެޖެންސީ، އަންރުވާގެ މުވައްޒަފުންތަކެއްގެ ބައިވެރިވުން އޮތް ކަމަށް އިޒްރޭލުން ކުރި ތުހުމަތުތުތަކާ ގުޅިގެން މުވައްޒަފުންތަމެއް ވަޒީފާ އިން ވަކިކޮށްފި އެވެ.
އދ. ގެ ތަރުޖަމާނުގެ ނައިބު ފަރުހާން ހައްގު ވިދާޅުވީ އެ ތުހުމަތުތަކާ ގުޅިގެން ވަކިކުރީ އަންރުވާގެ 9 މުވައްޒަފަކު ކަމަށެވެ. އިޒްރޭލުން ތުހުމަތުކޮށްފައިވާ ގޮތުގައި ހަމާސްގެ ހަމަލާގައި އަންރުވާގެ 12 މުވައްޒަފަކު ބައިވެރިވެފައިވެ އެށެވެ. އެކަމާ ގުޅިގެން ޔޫއެން އިން އެ އެޖެންސީގެ 19 މުވައްޒަފަކާ ގުޅޭ ތަހުގީގެއް ހިންގި އެވެ. އަދި ވަޒީފާ އިން ވަކިކުރީ އޭގެ ތެރެއިން 9 މީހެކެވެ.
ނަމަވެސް ހަމާސް އިން ދިން ހަމަލާގައި އަންރުވާގެ މުވައްޒަފުންގެ ބައިވެރިވުން އޮތީ ކިހިނެއް ކަމާއި އެކަން ހިނގައި ދިޔަ ގޮތުގެ އެއްވެސް ތަފުސީލެއް ފަރުހާން ހާމައެއް ނުކުރައްވަ އެވެ.
"އެފަދަ ކަަމެއްގައި އަހަރެމެންގެ މުވައްޒަފުންތަކެއް ޝާމިލުވުމަކީ އަހަރެމެންގެ ޒިންމާތަކާއި މަސްއޫލިޔަތުތަކާ މުޅިން ހިލާފު ކަމެއް. އަންރުވާ އަކީ ފަލަސްތީނުގެ ރެފިއުޖީންނަށް އިންސާނީ ހިދުމަތް ފޯރުކޮށް ދިނުގެ ޒިންމާ އަދާކުރާ ބައެއް،" ފަރުހާން ވިދާޅުވި އެވެ. "އެ މީހުންގެ މަސްއޫލިއްޔަތަކަށް ވާނި އެ ޒިންމާގައި ދެމިތިން. ޖަރީމާތަކެއްގައި ބައިވެރިވުމެއް ނޫން."
އޮކްޓޯބަރު 7 ގައި ހަމާސް އިން އިޒްރޭލަށް ދިން ހަމަލާގެ ފަހުން، ޔަހޫދިން ދަނީ ފަލަސްތީނުގެ ނަސްލު ނައްތައިލަން ގަތުލުއާންމެއް ހިންގަމުންނެވެ. އެގޮތުން މިހާތަނަށް ފަލަސްތީނުގެ 40،000 އެއްހާ މީހުން ޝަހީދުކޮށް، އެތައް ހާސް ބަޔަކު މަގުމަތިކޮށްފައިވެ އެވެ.