އޮގަނައިޒޭޝަން ފޯ އިސްލާމިކް ކޯޕަރޭޝަން (އޯއައިސީ) އިން ބާއްވާ ހާއްސަ ބައްދަލުވުމެއްގައި ބައިވެރިވެވަޑައިގަތުމަށް ފޮރިން މިނިސްޓަރު މޫސާ ޒަމީރު ސައުދީ އަރަބިޔާ އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
މިނިސްޓަރު ފުރާވަޑައިގަންނަވާނީ މިރެ އެވެ.
ފޮރިން މިނިސްޓްރީން ބުނީ އޯއައިސީގެ މި ބައްދަލުވުމަކީ މިއީ އިސްރާއިލް އިން މެދުކެނޑުމެއް ނެތި ފަލަސްތީނުގައި ހިންގަމުންދާ ނަސްލު ނައްތާލުމުގެ އަމަލުތަކާއި އިރާނުގައި ހަމާސް ޖަމާއަތުގެ ސިޔާސީ ގޮފީގެ ވެރިޔާ އިސްމާއީލް ހަނިއްޔާ އަވަހާރަކޮށްލުމާއި ގުޅިގެން ފަލަސްތީނާއި އިރާންގެ ދައުވަތަކަށް އޯއައިސީގެ އެގްޒެކްޓިވް ކޮމިޓީން އެ ޖަމިއްޔާގެ ހުރިހާ މެމްބަރު ޤައުމުތަކުގެ ބައިވެރިވުން ހިމެނޭހެން ހާރިޖީ ވަޒީރުންގެ ފެންވަރުގައި ބާއްވާ ބައްދަލުވުމެއް ކަމަށެވެ.
ބައްދަލުވުން އޮންނާނީ ޖިއްދާގަ އެވެ.