ހޮލީވުޑްގެ މަޝްހޫރު ފިލްމީ ތަރި ޓޮމް ކްރޫޒާއި ލަވަކިޔުންތެރިޔާ ވިކްޓޯރިއާ ކެނަލް ރައްޓެހިވެގެން އުޅޭ ކަމަށް އަޑު ފެތުރިފައިވާތީ 25 އަހަރުގެ ފަންނާނު އެ ވާހަކަ ދޮގުކޮޮށްފި އެވެ.
އިންސްޓަގްރާމް ޕޯސްޓެއްގައި ވިކްޓޯރިއާ ބުނީ ބައެއް މީޑިއާތަކުން އެފަދަ ވާހަކަތަކެއް ގެނެސްދިނުމަކީ ވަރަށް ހައިރާން ވެސް ވި ކަމެއް ކަމަށާއި ޓޮމްއާ ޑޭޓްކުރަމުން ނުދާ ކަމަށެވެ. އަދި އޭނަ އާއި ޓޮމްއާ ގުޅުވައިގެން އެފަދަ ވާހަކަތަކެއް ފެތުރި، އެކަން ސާފުކޮށް ދޭން ޖެހިދާނެ ކަމަކަށް ކުރިން ހީ ވެސް ކުރެވިފައި ނުވާ ކަމަށް ސްޕެއިންގެ ދަރިކޮޅުގެ އެމެރިކާގެ ލަވަކިޔުންތެރިޔާ ބުންޏެވެ.
ވިކްޓޯރިއާ ބުނި ގޮތުގައި ޓޮމް އަކީ އޭނަ ވަރަށް ގަދަރުކުރާ، އިހުތިރާމުކުރާ މީހެކެވެ. އަދި އެއީ ކުރިއަށް ދާން ހިތްވަރުދޭ މެންޓޯއެއް ކަމަށް ވެސް ބުންޏެވެ.
ހޮލީވުޑްގެ އެންމެ ނުފޫޒު ގަދަ ތަރިންގެ ތެރޭގައި ހިމެނޭ ޓޮމް، 62، އަކީ ތިން ކައިވެންޏެއްކޮށް، ތިން ދަރިން ވެސް ލިބިފައިވާ މީހެކެވެ. އޭނަގެ ތިން ކައިވެނި ވެސް ރޫޅިފައިވާ އިރު، ކައިވެނިކުރީ ފިލްމީ ބަތަލާއިންތަކަކާ އެވެ. އެގޮތުން އެންމެ ފުރަތަމަ ޓޮމް ކައިވެނިކުރީ މިމީ ރޮޖާސް، 68، އާ އެވެ. އޭގެ ފަހުން އޭނަ ކައިވެނިކުރީ ބަތަލާ ނިކޯލް ކިމްޑަމް، 57، އެވެ.
"މިޝަން އިމްޕޮސިބަލް" ފްރެންޗައިޒްގެ ބަތަލު ޓޮމް އެންމެ ފަހުން ކައިވެނިކުރީ ބަތަލާ ކެޓީ ހޯމްސް، 45، އާ އެވެ.