ދަރަނީގެ ސިޔާސަތުތައް ސިއްރުކުރުމަކީ ނުރައްކާތެރި ކަމެއް ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
އަމީރު "އެކްސް"ގައި ކުރެއްވި ޕޯސްޓެއްގައި ވިދާޅުވީ ދައުލަތުގެ މެދު ރާސްތާގެ ފިސްކަލް އަދި ދަރަނީގެ ސިޔާސަތުތައް ސިއްރުކުރަން އުޅުމަކީ ޒިންމާދާރުކަން ކުޑަ، ނުރައްކާތެރި ކަމެއް ކަމަށާއި މިއީ އެއްވެސް ގޮތަކަށް ބަލައިގަނެވޭނެ ކަމެއް ނޫން ކަމަށެވެ. އަދި މިއީ ފަހަތަށް އެޅޭ ފިޔަވަޅެއް ކަމަށާއި 2019 ވަނަ އަހަރުން ފެށިގެން، ކުރީގެ ސަރުކާރުން ދިޔައީ ދައުލަތުގެ ފިސްކަލް އަދި ދަރަނީގެ ސްޓްރެޓެޖީ ވަކި ވަކިން ބަރާބަރަށް ޝާއިއުކުރަމުން ކަމަށް އަމީރު ވިދާޅުވި އެވެ.
"މާލީ ކަންކަން ހިނގަމުންދާ ގޮތާއިމެދު އެތެރެއާއި ބޭރުގެ ފަރާތްތަކުގެ އިތުބާރު ކޮންމެހެންވެސް ހިފަހައްޓަންޖެހޭ ދަނޑިވަޅެއްގައި މިކަން މިގޮތަށް ނުކުރުމަށް މަޖިލީހަށް ގޮވާލަން. މާލީ އަދި އިޤްތިސާދީ ކަންތައްތައް މެނޭޖްކުރުމުގައި ސަރުކާރުގެ ޤާބިލްކަމާއި މެދު އިތުބާރު ގެއްލިފައިވާ މި ދަނޑިވަޅުގައި، ސަރުކާރުގެ ސިޔާސަތުތައް އެންމެންނަށް ފެންނަހެން ހާމަ ކުރުން ވަރަށް މުހިއްމު،" އަމީރު ވިދާޅުވި އެވެ.
އަމީރު ވިދާޅުވީ ކުރިން އާއްމުކޮށް ކޮންމެ ހަފްތާއަކު ޝާއިއުކުރަމުން އައި "ވީކްލީ ފިސްކަލް ޑިވެލޮޕްމެންޓްސް" ޝާއިއުކުރުން ވެސް މިހާރު މެދުކެނޑިފައިވާ ކަމަށެވެ. މިއަދު ސަރުކާރުގައި އިސް މަޤާމްތަކުގަ ތިބީ، 2019-2023 ސަރުކާރު ބަންދެއް އައިސްގެންވެސް އެ ރިޕޯޓެއް ޝާއިއުކުރުން ލަސްވިޔަސް އެ ކަންތައް ވަރަށް ބޮޑުކޮށްގެން ވާހަކަ ދެއްކި ބޭފުޅުން ކަމަށާއި އެހެންކަމުން ޤާނޫނުގައި އެ ބުނާ ލަނޑުދަނޑި ހާސިލްކޮށް، އިތުބާރު ހޯދުމަށް އެ ބަޔާންތައް ޝާއިއުކުރުމަށް ވަނީ ގޮވާލާފަ އެވެ.