ހަޔަ އެޑިއުކޭޝަން މިނިސްޓަރު ޑރ. މަރްޔަމް މާރިއާ ތުރިކީ އަށް ވަޑައިގެންފި އެވެ.
މިނިސްޓަރު އިއްޔެ ފެއްޓެވި މި ދަތުރުކީ ތުރުކީ ސަރުކާރުގެ ދަޢުވަތަކަށް ކުރައްވާ ދަތުރެކެވެ. މިނިސްޓަރާ އެކީ ދަތުރުގައި ޑެޕިއުޓީ މިނިސްޓަރު އައިމިނަތު ޝަޝީ އާއި ޕާމަނަންޓް ސެކްރެޓަ އައިމިނަތު ހިކްމާ ބައިވެރިވެވަޑާއިގަންނަވަ އެވެ.
މި ދަތުރުގައި މާރިޔާ ތުރުކީގެ ޔުނިވާސިޓީތަކާއި އޯއެސްއައިޓީއެމް އަދި އަންކާރާ ޔުނިވާސިޓީގެ އިސްބޭފުޅުންގެ އިތުރުން ތުރުކީ ސަރުކާރުގެ ބައެއް އިސްބޭފުޅުންނާ ވެސް ބައްދަކުރައްވާނެ އެވެ.
މީގެ އިތުރުން ތުރުކީގެ މިނިސްޓްރީ އޮފް އިންޑަސްޓްރީ އެންޑް ޓެކްނޮލޮޖީގެ ދަށުން މަސައްކަތްކުރާ ކޭއޯއެސްޖީއީބީ، މިނިސްޓްރީ އޮފް ކަލްޗަ އެންޑް ޓުއަރިޒަމް، އައުންސިލް އޮފް ހަޔަ އެޑިއުކޭޝަން، އޯއެސްއައިޓީއެމް އަދި އަންކާރާ ޔުނިވާސިޓީގެ އިސްބޭފުޅުންނާ ވެސް ބައްދަލުކުރެއްވުމަށް ހަމަޖެހިފައިވެ އެވެ.
ހަޔަ އެޑިއުކޭޝަން މިނިސްޓްރީން ބުނީ ރާއްޖެގެ މަތީ ތައުލީމު އެހެން ހަރުފަތަކަށް ގެންދިއުމށާއި، ހުނަރުވެރި ޖީލެއް ބިނާކުރުމަށް ބޭރުގެ ގިނަ ޔުނިވާސިޓީތަކާއިއެކު މިނިސްޓްރީން މަޝްވަރާކުތައް ކުރަމުން އަންނަ ކަމަށެވެ. އަދި އެފަދަ މަޝްވަރާތަކަށް ފަހު އެކި ގައުމުތަކުން ދިވެހިންނަށް ކިޔެވުމުގެ ފުރުސަތުތައް ފަހިކޮށް ދެމުން އަންނަ ކަމަށް ވެސް މިނިސްޓްރީން ބުންޏެވެ.