ހޯޓިކަލްޗާގެ އެޑްވާންސް ސެޓްފިކެޓް ކޯހެއް ތައާރަފުކޮށް، އެ ކޯހުގައި ބައިވެރިވާން ގައުމީ ޔުނިވާސިޓީން ހުޅުވައިލައިފަ އެވެ.
ހޯޓިކަލްޗައަކީ ތަރުކާރީ އާއި މޭވާގެ ބާވަތްތަކާ ގުޅޭ ދަނޑުވެރިކަމެވެ.
މި ދާއިރާ އަށް ހާއްސަކޮށް އެމްއެންޔޫ އިން ތަޢާރަތްކޮއްފައިވާ ދަނޑުވެރިކަމުގެ އާ ކޯހަކީ މޯލްޑިވިސް ކޮލިފިކޭޝަން އޮތޯރިޓީ (އެމްކިއުއޭ) ގެ އެމްއެންކިއުއެފް ލެވެލް 4 ގެ ކޯހެކެވެ.
ޔުނިވަސިޓީން ބުނީ މި މަހުގެ އިންޓޭކްގައި، އެމްއެންޔޫގެ މާލެ، ލ. ގަން އަދި އައްޑޫ ހިތަދޫ ކެންޕަސްގައި ކޯސް ހިންގުމަށް ހަމަޖެހިފައިވާ ކަމަށެވެ. ބްލެންޑެޑް މޮޑާލިޓީގެ ދަށުން ކުރިއަށް ގެންދިޔުމަށް ކަނޑައެޅިފައިވާ ކޯހުގެ މުއްދަތަކީ 1 އަހަރެވެ.
ކޯހަށް އެޕްލައި ކުރުމުގެ ފުރުސަތު މި މަހުގެ 20 އާ ހަމައަށް ވަނީ ހުޅުވާލައިފަ އެވެ.