ރައްޔިތުންގެ މަޖިލީހުގެ ރައީސް އަބްދުލްރަހީމް އަބްދުﷲ އަކީ ވިހަގަދަ ހަރުފައެއްކަން ސާބިތުކޮށްދީފައިވާ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެ އެވެ.
ޖަމީލު މިހެން ވިދާޅުވެފައިމިވަނީ ކުރީގެ ރައީސް އަބްދުﷲ ޔާމީން ހުންނެވީ ވައްކަންކޮށްގެން ކަމަށް ވިދާޅުވެ އެމަނިކުފާނަށް ހޫނު ބަހުގެ ހަމަލާތަކެއް ރޭ އަބްދުލްރަހީމް ދެއްވުމާ ގުޅިގެންނެވެ.
އެކަމާ ގުޅިގެން ޖަމީލު "އެކްސް"ގައި ކުރެއްވި ޕޯސްޓެއްގައި ވިދާޅުވީ އަބްދުލްރަހީމް ސާބިތުކޮށް މިދިނީ އޭނާއަކީ ގޭތެރޭ ގެންގުޅުނު ވިހަގަދަ ހަރުފައެއް ކަމާއި ދިވެހި ތާރީޚުން ނުފެންނަ ވަރުގެ ނުލަފާ ޖާހިލެއްކަން ކަމަށެވެ.
"މިއީ ރައީސް މުއިއްޒުގެ ރޯލް މޮޑެލް. މިއީ އިސްލާމިކް ޔުނިވާސިޓީ އަދި ވިލާ ކޮލެޖްގެ ޗީފު ގެސްޓް. މިއީ މި ޖީލަށް ހާމާނު ތަމްސީލުކުރާ މީހާ،" ޖަމީލު ވިދާޅުވި އެވެ.
އަދުރޭ ސާބިތުކޮށް މިދިނީ އޭނާއަކީ ގޭތެރޭ ގެންގުޅުނު ވިހަގަދަ ހަރުފައެއްކަން!ދިވެހި ތާރީޚުން ނުފެންނަ ވަރުގެ ނުލަފައި ޖާހިލެއްކަން! މިއީ ރ. މުއިއްޒުގެ ރޯލް މޮޑެލް، މިއީ އިސްލާމިކް ޔުނިވަރސިޓީ އަދި ވިލާ ކޮލެޖްގެ ޗީފުގެސްޓް! މިއީ މި ޖީލަށް ހާމާނު ތަމްސީލުކުރާ މީހާ! https://t.co/iLoWrvKUGj
— Mohamed Jameel Ahmed (@MJameelAhmed) August 7, 2024
ޕީއެންސީން ރޭ ބޭއްވި ޖަލްސާގައި ވާހަކަދައްކަވަމުން އަބްދުލްރަހީމް ވިދާޅުވީ ރައީސް މުއިއްޒުގެ ސަރުކާރާއި ރައްޔިތުން ޖައްސަން ކުރާ ކޮންމެ މަސައްކަތަކުން ވެއްޓޭނީ ޔާމީންގެ އަގު ކަމަށާއި ގެއްލޭނީ އޮތީއްޔާ އެމަނިކުފާނަށް އޮތް ތާއީދެއް ކަމަށްވާއިރު، މިއަދު އެ ތާއީދެއް ވެސް ނެތް ކަމަށެވެ. އަދި ކުރީގެ ނައިބު ރައީސް މުހައްމަދު ޖަމީލާއި ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހު ޖަމާލު މެންފަދަ ބޭފުޅުން ފޮނުވާލުމަށްފަހު ރީއްޗަށް ހަމަޖެހިލައިގެން ގޭގައި މަޑުކޮށްލެއްވުމަށް އަބްދުލްރަހީމް ވަނީ ޔާމީނަށް ގޮވާލާފަ އެވެ.
"ތިއުޅޭ ހައެއްކަ މީހުން ފޮނުވާލާފައި، ރީއްޗަށް ހަމަޖެހިލައިގެން ގޭގައި ދެން މަޑުކޮށްލައްވާށޭ. މަނިކުފާނުގެ އުމުރުގައި މިވީހާ ދުވަސް ވިޔަސް، ދަތިކަމެއް ނެތި އުޅެލެވޭ ވަރަށް ފައިސާ މަނިކުފާނުގެ އަތުގައި ހުރި ވާހަކަ، މަނިކުފާނު އެބަ ވިދާޅުވޭ،" އަބްދުލްރަހީމް ވިދާޅުވި އެވެ.