ފެނަކަ ކޯޕަރޭޝަނުން 700 އަށް ވުރެ ގިނަ މުވައްޒަފުން ވަކިކުރަން ނިންމައި، ނޯޓިސް ފޮނުވައިފި އެވެ.
އެ ކުންފުނިން ބުނީ 731 މުވައްޒަފަކަށް ނޯޓިސް ފޮނުވާފައިވާ ކަމަށާއި އެ މުވައްޒަފުންނަކީ އެކި ޕްރޮޖެކްޓްތަކަށް ނަގާފައިވާ މުވައްޒަފުން ކަމަށެވެ. އެގޮތުން އެއީ އިމާރާތްކުރުމުގެ މަސައްކަތަށް ނަގާފައި ތިބި މުވައްޒަފުން ކަމަށް ވެސް ފެނަކަ އިން ބުންޏެވެ. އަދި ވަކި ކުރަން ނިންމި މުވައްޒަފުންގެ ތެރެއިން ގިނަ މީހުންނަކީ އެ މީހުން ހަވާލުވި މަސައްކަތްތައް ނިމި ދެން އިތުރަށް މަސައްކަތް ކުރިޔަށް ނުގެންދަން ނިންމި ކަންކަމަށް ހާއްސަ މުވައްޒަފުންނެވެ.
މި ސަރުކާރު އައި ފަހުން ކުރިން ވެސް ފެނަކަ އިން މުވައްޒަފުންތަކެއް ވަކިކޮށްފައިވެ އެވެ.
ފެނަކައިގެ މިހާރުގެ މެނޭޖްމަންޓުން ކުރިން ވެސް ވަނީ ސިޔާސީ ބޭނުމަށް ގިނަ އަދަދެއްގެ މުވައްޒަފުން ނަގާފައިވާ ކަމަށް ބުނެފަ އެވެ. އެގޮތުން މިދިޔަ އަހަރުގެ ރިޔާސީ އިންތިހާބާ ދިމާކޮށް ވެސް ސިޔާސީ މަންފާއެއް ހޯދުމުގެ ބޭނުމުގައި "ބޭކާރު" އެތައް މުވއްޒަގުންނަށް ނަގާފައިވާ ކަމަށް މެނޭޖްމަޓުން ބުނެފައިވެ އެވެ.
ދިއްދޫ ފެނަކަ އިން މުވައްޒިފުން ކަނޑާލާތީ ހިތްހަމަ ނުޖެހުން ފާޅު ކުރަނީ.އަނިޔާވެރިކަން އަދި ކިރިޔާ އެ ފެށުނީ. pic.twitter.com/uRvHBTOOo2
— Ahu Madhu (@Dhonkolhu) August 7, 2024
ފެނަކަ އިން ބުނީ "ބޭކާރު" މުވައްޒަފުން މަދުކުރުމުން ކުންފުންޏަށް މަހެއްގެ މައްޗަށް 7-9 މިލިއަން ރުފިޔާ ސަލާމަތް ކުރެވޭނެ ކަމަށެވެ.
ވަކިކުރަން ނޯޓިސް ފޮނުވި މުވައްޒަފުން ނޯޓިސް މި މަހުގެ 15 އަށް ހަމަވާނެ އެވެ. މިކަމާ ގުޅިގެން ބައެއް ފެނަކައިގެ ބައެއް މުވައްޒަފުން ދަނީ ކުންފުންޏާ ދެކޮޅަށް އަޑު ވެސް އުފުލަމުންނެވެ.