މާލޭގައި ބާވެ އަދި ބޭނުން ނުކޮޑް ހުރި އިމާރާތްތަކެއް ތަޅާލަން ނިންމައި އެކަމާ ގުޅޭ ގޮތުން މަޝްވަރާކޮށްފި އެވެ.
ސިޓީސް ލޯކަލް ގަވަރަމެންޓް މިނިސްޓްރީން އިއް އިންތިޒާމުކުރި މަޝްވަރާގައި މާލެ ސިޓީ ކައުންސިލާއި އެމްޓީސީ އާއި ވެމްކޯގެ އިތުރުން ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) ގެ އިސްވެރިންތަކެއް ބައިވެރިވެވަޑައިގަތެވެ.
ސިޓީސް އެންޑް ލޯކަލް މިނިސްޓްރީގެ ސްޓޭޓް މިނިސްޓަރު މުޙައްމަދު އިބްރާހީމް ވިދާޅުވީ މާލޭގައި ވަރަށް ބޮޑަށް ބާވެފައިވާ 4 ބުރީގެ ޢިމާރާތަކާއި 6 ބުރީގެ ޢިމާރާތެއް ވަރަށް އަވަހަށް ތަޅައިލުމަށް ހަމަޖެހިފައިވާ ކަމަށެވެ. އެހެންވެ އެ މަސައްކަތަށް މަޝަވަރާގައި ބައިވެރިވި މުއައްސަސާތަކުގެ އެހީތެރިކަން ބޭނުންވާ ކަމަށް ވިދާޅުވި އެވެ.
މިނިސްޓްރީން ބުނީ ބާވެފައި ހުރި އިމާރާތްތަކެއް ތަޅައިލަން ނިންމީ އެފަދަ ތަނަކުން ބަޔަކު ލިބިދާނެ ގެއްލުމަކުން ރައްކާތެރިކަން ހޯދުމުގެ ގޮތުންނެވެ. މީގެ ކުރިން އެތައް ފަހަރެއްގެ މަތިން ބާވެފައިވާ އިމާރާތްތަކުން ބައިތައް ވެއްޓި މީސްމީހުންނަށް އެކި ވަރުގެ ގެއްލުންތައްވެފައިވެ އެވެ.