ޕޯލިއާ ޖައްސާ ވައިރަސް ގާޒާ އިން ފެނި، އެ ބަލި އެތަނުގައި ފެތުރިދާނެކަމުގެ ބިރު ބޮޑުވުމާ ގުޅިގެން 1.2 މިލިއަން ވެކްސިން ފޮނުވައި ވެކްސިން ޖެހުމުގެ ޕްރޮގްރާމެއް ފަށަން ދުނިޔޭގެ ސިއްހަތު ޖަމިއްޔާ އިން ތައްޔާރުވާން ފަށައިފި އެވެ.
އެ ޖަމާއަތުގެ ވެރިޔާ ޑރ. ޓެޑްރޮސް އަދޮނޮމް ވިދާޅުވީ ދެ ބުރަކަށް ވެކްސިން ޕޯލިއާ ވެކްސިން ޖެހުން ކުރިއަށް ގެންދަން ނިންމާފައިވާ ކަމަށެވެ. އެގޮތުން ފުރަތަމަ ބުރު މަހުގެ 17 ގައި ފަށަން ވަނީ ނިންމައިފަ އެވެ.
ޑަބްލިއުއެޗްއޯ އޮން ބުނީ ދެ ބުރު ނިންމައިލާނީ 8 އަހަރުން ދަށުގެ 600،000 އަށް ވުރެ ގިނަ ކުދިންނަށް ވެކްސިން ދިނުމަށް ފަހު ކަމަށެވެ.
ޕޯލިއޯ ވެކްސިން ޖެހުމުގެ ޕްރޮގްރާމެއް ގާޒާގައި ކުރިއަށް ގެންދަން އަމާޒު ހިފި އިރު، އިޒްރޭލުން ފަލަސްތިނާ ދެކޮޅަށް ކުރަމުންދާ ހަނގުރާމައިގެ ސަބަބުން މިފަދަ މަސައްކަތެއް ކުރިއަށް ގެންދިއުން ވެސް އޮތީ ވަރަށް ބޮޑު ގޮންޖެހުމަކަށްވެފަ އެެވެ. އެގޮތުން ގާޒާ އަށް ވެކްސިން ފޮނުވުމުގައި ބޮޑެތި ރަސްތަކެއް ހުރި ކަމަށް ޑަބްލިއުއެޗްއޯ އިން ބުންޏެވެ. އަދި ގާޒާ މިހާރު އޮތް ހާކަތުގެ ސަަބުން ރައްކާތެރި ގޮތުގައި ވެކްސިން ރައްކާކުރަން ވެސް ދަތިތަކާ ކުރިމަތިލާން ޖެހިފައިވެ އެވެ.
ގާޒާގައި ޕޯލިއޯ ފެތުރިދާނެކަމުގެ ބިޑުބޮޑުވާން ފެށީ ނަރުދަމާގެ ނިޒާމުން ބޭރުވާ ނަޖިސް ފެނުގެ ސާމްޕަލްތަކެއް، ޑަބްލިއުއެޗްއޯ އާއި ގާޒާގެ ހެލްތު މިނިސްޓްރީ ގުޅިގެން ނަގައިގެން ކުރި ޓެސްޓްތަކުން ޕޯލިއޯ އަށް މަގުފަހިކުރާ ވައިރަސް ފެނުމާ ގުޅިގެންނެވެ. އެގޮތުން ޖޫން މަހުގެ 23 ގައި ގާޒާގެ ހަ ސަހައްދަކުން ނެގި ސާމްޕަލްތަކުން ޕޯލިއޯވައިރަސް ޓައިޕް ޓޫ (ވީޑީޕީވީ2) ފެނިފައިވެ އެވެ.
ޕޯލިއޯ އަކީ އެ ބަލި ޖެހިއްޖެ ނަމަ ވާކޮށްލާ ބައްޔެކެވެ.
މިދިޔަ އަހަރުގެ އޮކްޓޯބަރު 7 އިން ފެށިން އިޒްރޭލުން ފަލަސްތީނާ ދެކޮޅަށް ކުރަމުންދާ ހަނގުރާމައިގެ ގާޒާ ފަދަ ތަންތަން ވަނީ ސުންނާތިކޮށްފަ އެވެ. މީގެ ސަބަބުން ފެނާއި ނަރުދަމާ ނަރުދަނާ ނިޒާމު ވެސް ހަލާކުވެ، ރައްޔިތުން ތިބީ އިންސާނީ ވަރަށް ބޮޑު ކާރިސާއެއްގެ ތެރޭގަ އެވެ.
އަދި ފަލަސްތީނުގެ ހުރިހާ ހޮސްޕިޓަލްތަކެއްހެން ވަނީ ބިމާހަމަކޮށްފައިވާ އިރު، ފަލަސްތީނުގެ 40،000 އެއްހާ މީހުން ވަނީ ޝަހީދުކޮށްފަ އެވެ.