ހަނިމާދޫ އިންޓަނޭޝަނަލް އެއާޕޯޓް ސަރަހައްދުގައި ތިން ރިސޯޓެއް ތަރައްގީ ކުރުމަކީ އަމާޒެއް ކަމަށާއި އެކަމަށް އިންޑީއާ އިންވެސްޓަރުން ލީބޭތޯ މަސައްކަތް ކުރަމުން އަންނަ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެ އެވެ.
ދާދި ފަހުން ރާއްޖެ ޕްރޮމޯޓްކުރަން އިންޑިއާގައި ބޭއްވި "ވެލްކަމް އިންޑިއާ" ރޯޑްޝޯގެ ކާމިޔާބީއާ ގުޅޭ ގޮތުން މިއަދު ބޭއްވި ނޫސްވެރިންގެ ބައްދަލުވުމުުގައި މިނިސްޓަރު ވިދާޅުވީ ހަނިމާދޫ އިންޓަނެޝަނަލް އެއާޕޯޓް ހުޅުވި އޮޕަރޭޝަންތައް ފެށެންވާ އިރަށް އެ ސަރަހައްދުގައި 3 ރިސޯޓެއް ތަރައްގީ ކުރުމުގެ ވިސްނުން ބޮޑު ކަމަށެވެ.
މިނިސްޓަރު ވިދާޅުވީ ހަނިމާދޫ އެއާޕޯޓް ރަނގަޅަށް ހިންގުމަށްޓަކައި އެ އެއާޕޯޓާ ކައިރި ހިސާބުގައި މިހާރަށް ވުރެ އެނދުތައް ތަރައްގީ ކުރަން ޖެހޭ ކަމަށެވެ. އެގޮތުން އެ ސަރަހައްދުގައި 4،000-6،000 އެނދު ހުންނަން ޖެހޭ ކަމަށް ވިދާޅުވި އެވެ.
ފައިސަލް ވިދާޅުވި ގޮތުގައި ހަނިމާދީ ކައިރީ ރިސޯޓްތައް ހެދުމަށް އިންވެސްޓަރުން ހޯދުމަށް އެކަމަށް ހާއްސަކޮށްގެން އެކަމަށް ޓޫރިޒަމް ދާއިރާއިން އިންވެސްޓަރުން ހޯދުމަށް އިންޑިއާގައި މިއަހަރު އިންވެސްޓްމަންޓް ފޯރަމެއް ވެސް ބާއްވަން ރޭވިފައިވާ ކަމަށެވެ.
"ބަޖެޓުގެ ދަތިކަން ހުއްޓަސް އިންޑަސްޓްރީގެ އެކި ފަރާތްތައް ގުޅިގެން މިއަހަރު ތެރޭ އަދި އެއްފަހަރު އިންޑިއާ އަށް ދާން ބޭނުމީ،" މިނިސްޓަރު ވިދާޅުވި އެވެ. "އިންވެސްޓާ ފޯރަމާ ހަނިމާދޫ އެއާޕޯޓް ހުޅުވެންވާ އިރަށް އަޅުގަނޑުމެން މި ބޭނުން ވަނީ އެތަނުގެ ހައިއެންޑުގެ ދެތިން ރިސޯޓް ޕްރޮޖެކްޓެއް ފެށޭ ވަރަށް އިންވެސްޓަރުންތަކެއް ހޯދުން. އެއީ އަމާޒަކީ މި އަހަރުތެރޭ ބާއްވާނަން."
ހަނިމާދޫ އެއާޕޯޓް ވެސް ތަރައްގީ ކުރަމުން އަންނަނީ އިންޑިއާގެ ކުންފުންޏެއް ކަމަށްވާ ޖޭއެމްސީ ޕްރޮޖެކްޓްސްއިންނެވެ. އެވެ.
އެ އެއާޕޯޓަކީ މުޅި އުތުރުގެ ޓޫރިޒަމާ ވަރަށް ބޮޑަށް ގުޅިފައިވާ މަޝްރޫއެއް ކަމަށް ސަރުކާރުން ބުނެ އެވެ. ހަނިމާދޫ އެއާޕޯޓު ތަރައްގީ ކުރަނީ އަހަރަކު 1.3 މިލިއަން ފަސިންޖަރުންނަށް ހިދުމަތް ދެވޭ ފެންވަރަށެވެ.