ދިވެހިންގެ ތެރޭގައި މަގުބޫލު ރޮބޯމޭން ކެރެކްޓާ އަށް ބިނާކޮށް ހަދާފައިވާ ފިލްމު "ރޮބޯމޭން: ދަ މޫވީ" އަންނަ މަހުގެ 26 ގައި ގެނެސްދޭން ނިންމައި އޭގެ ޕޯސްޓަރު ވެސް ދައްކާލައިފި އެވެ.
މި ފިލްމަކީ ރާއްޖޭގެ ވަރަށް ފާހަގަކޮށްލެވޭ ސްޓޫޑިއޯއެއް ކަމަށްވާ އޯކޭޒް އިންކް އާއި މީޑިއާނެޓް ގުޅިިގެން ގެނެސްދޭ ފިލްމެކެވެ.
މަހުދީ އަހުމަދުގެ ސްކްރީންޕްލޭއަކަށް ހަދާފައިވާ "ރޮބޯމޭން: ދަ މޫވީ" ގެ ޑައިރެކްޓްމކޮށްފައި ވަނީ މުހައްމަދު މުންތަސިރު (މުންކޮ) އާއި މަޝްހޫރު ކެމެރާމަން އިބްރާހީމް ވިޝާމް (ކަނޑި) އެވެ.
މި ފިލްމު ކާސްޓުންގެ މަޝްހޫރު ތަރިން ކަމަށްވާ މަރިޔަމް އައްޒަ އާއި ރަވީ ފާރޫގް ވެސް ފެނިގެން ދާނެ އެވެ.
"ރޮބޯމޭން: ދަ މޫވީ" އިއުލާންކުރީ މި އަހަރުގެ މެއި މަހުގެ ތެރޭގަ އެވެ.