ކާތިކް އާރިއަން މޮޅު އެކްޓިންއެއް ދައްކާފައިވާ ސްޕޯޓްސް ބައޮގްރަފިކަލް ޑްރާމާ "ޗަންދޫ ޗެމްޕިއަން" އެމެޒޯން ޕްރައިމް ވީޑިއޯ އަށް ދޫކޮށްލައިފި އެވެ.
ޖޫން މަހުގެ 14 ގައި ރިލީޒްކުރި މި ފިލްމަކީ ސާޖިދު ނަދިއަދުވާލާ ޕްރޮޑިއުސްކޮށް، ކަބީރު ޚާން ޑައިރެކްޓްކުރި ފިލްމެވެ. "ޗަންދޫ ޗެމްޕިއަން" އަކީ ވިޔަފާރީގެ ގޮތުން މާ ކާމިޔާބު ފިލްމަކަށް ނުވިޔަސް ކްރިޓިކުންނާއި ބެލުންތެރިންގެ ތައުރީފު ވަރަށް ބޮޑަށް ލިބުނު ފިލްމެކެވެ. އެގޮތުން މި ފިލްމަކީ ކާތިކް އަށް ނެޝަނަލް އެވޯޑް ހައްގުވާ ވަރުގެ މޮޅު އެކްޓިން ދައްކުވައި ދިން ފިލްމެއް ވަރަށް ގިނަ ބަޔަކު ބުނެފައިވެ އެވެ.
"ޗަންދޫ ޗެމްޕިއަން" އަކީ އިންޑިއާގެ ކުރީގެ ޕެރަލިމްޕިކް އެތުލީޓު މުރްލީކަންތު ޕެޓްކަރް އަށް ބިނާކޮށް ހަދާފައިވާ ފިލްމެކެވެ.
ކާތިކްގެ ކުރިއަށް އޮތް ފިލްމަކީ ނޮވެމްބަރުގައި ގެނެސްދޭ ހަމަޖެހިފައިވާ ހޮރޯ-ކޮމެޑީ "ބޫލް ބުލައްޔާ 3" އެވެ.