ރައްޔިތުންގެ މަޖިލީހުގެ ރައީސް އަބްދުލްރަހީމް އަބްދުﷲ، ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމްއާ ބައްދަލުކުރައްވަން، އދ. މާމިގިއްޔަށް ވަޑައިގެންފި އެވެ.
މަޖިލީހުގެ ރައީސް މާމިގިއްޔަށް ވަޑައިގަތުމުން ގާސިމް ވަނީ ރައްދޫލައިގެ މަރުހަބާއެއް ކިޔުއްވާފަ އެވެ. އަދި މަޖިލީހުގެ ރައީސަށް މަރުހަބާ ދެންނެވުމަށް މާމިގިލީ އެއަޕޯޓްގެ ވެރިންނާއި ޖޭޕީގެ މެމްބަރުން ވަނީ ބައިވެރިވެފަ އެވެ.
ޖުމްހޫރީ ޕާޓީން ބުނީ ދެބޭފުޅުންގެ މެދުގައި މަޝްވަރާ ކުރެވުނު ވަކި ކަމެއްގެ މައުލޫމާތު އަދި ލިބިފައި ނުވާ ކަމަށާއި އެ މައުލޫމާތު ލިބުމުން ހާމަކުރާނެ ކަމަށެވެ.