ޝީޝާގެ ސާވިސް ސެންޓަރުތަކުގައި ސައިކަލް ސާވިސްކުރާ ކަސްޓަމަރުންނަށް ހިލޭ ތެޔޮ ދޭ ޕްމޯޝަންގެ މުއްދަތު އިތުރުކޮށްފި އެވެ.
ރާއްޖޭގައި ފުޅާ ދާއިރާއެއްގައި ހޮންޑާ ސައިކަލް ވިއްކާ "ހޮންޑާ މޯލްޑިވްސް" އިން ބުނީ ޕްރޮމޯޝަނުގެ މުއްދަތު އިތުރު ކުރަން ނިންމީ ލިބެމުން އަންނަ ތަރުހީބު ބޮޑުކަމުން ކަމަށެވެ. އެގޮތުން މިހާރު ޕްރޮމޯޝަން މި މަހުގެ ނިޔަލަށް ކުރިއަށް ގެންދާނެ އެވެ.
މި ޕްރޮމޯޝަން ކުރިން ކުރިއަށް ގެންދަން އޮތީ މިދިޔަ މަހުގެ 21 އިން މި މަހުގެ 21 އަށެވެ.
މި ޕްރުމޯޝަންގެ މަގުސަދަކީ ހޮންޑާ ސައިކަލު ގެންގުޅޭ ހުރިހާ ކަސްޓަމަރުން ޕީރިއަޑިކް މެއިންޓެނެންސް ސާވިސްކޮށްގެން ސައިކަލު ދުއްވާ މީހާގެ ރައްކާތެރި ކަމަށާއި ދުއްވާ ސައިކަލު އެންމެ ރަނގަޅު ކޮންޑިޝަން ގައި ދިގު މުއްދަތެއްގައި ބެލެހެއްޓުމާއި މެއިންޓެނެންސް ހަރަދު ކުޑަކޮށްް ބެލެހެއްޓޭ ނެގޮތާއމެދު ހޭލުންތެރިކުރުމެވެ.
ޕްރޮމޯޝަންގައި ޕީރިއަޑިކް މެއިންޓެނެންސް ސާވިސް ނުވަތަ އިރެގިއުލާ މެއިންޓެނެންސް ސާވިސްއާ އެކީ އެކު ހިލޭ ތެޔޮ ބަދަލު ކުރުމުގެ ހިދުމަތް ލިބޭނެ އެވެ.
އެގޮތުން ޝީޝާގެ ހުރިހާ ސާވިސް ސެންޓަރެއްގައި ވެސް ހިދުމަތަށް ވައިބައިން މެސެޖްކޮށްގެން ބުކިންސް ހެއްދޭނެ އެވެ.
* މާލެ ސާވިސް ސެންޓަރު: 9643215
* ހުޅުމާލެ ސާވިސް ސެންޓަރު: 9894096
* އައްޑޫ ސާވިސް ސެންޓަރު: 7939099
* ކުޅުދުއްފުށި ސާވިސް ސެންޓަރު: 9939663
ޕީރިއަޑިކް މެއިންޓެނެންސް ސާވިސް އަކީ ކޮބާ، އަދި ސާވިސް ޝެޑިއުލް ކުރެވިފައި ވަނީ ކިހިނެއް؟
ޕީރިއަޑިކް މެއިންޓެނެންސް ސާވިސް އަކީ ހޮންޑާއިން ސައިކަލު ދުއްވާ މީހާގެ ރައްކާތެރި ކަމަށްށާއި ދުއްވާ ސައިކަލު އެންމެ ރަނގަޅު ކޮންޑިޝަން ގައި ދިގުމުއްދަތެއްގައި ބެލެހެއްޓުމަށް އަދި މެއިޓެއިނެސް ހަރަދު ކުޑަކޮށް ބެލެހެއްޓޭނެ ގޮތަށް ހަދާފައިވާ ޝެޑިއުލް ސާވިސްތަކެކެވެ.
ޕީރިއަޑިކް މެއިންޓެނެންސް ސާވިސް ޝެޑިއުލް ކުރެވިފައި ވަނީ ފުރަތަމަ 1،000 ކިލޯމީޓަރރު ހަމަވުމުން، އޭގެ ފަހުން ކޮންމެ 6،000 ކިލޯމީޓަރު ހަމަވުމުންނެވެ.