އުރީދޫ ހިންމަފުށީ މަސް ރޭހުން މޮޅުވީ ސިފްކޯ

ކ. ހިންމަފުށީގައި އުރީދޫ މޯލްޑިވްސް އިން އިއްޔެ ކ. ހިންމަފުށީގައި ބޭއްވި މަސްރޭހުގެ އެއްވަނަ ސިފައިންގެ ކޯޕަރޭޓިވް ސޮސައިޓީ (ސިފްކޯ) ހޯދައިފި އެވެ.

ސިފްކޯ އެއްވަނަ ލިބުނީ 999 ޕޮއިންޓާ އެކު އެވެ.

މަސް ރޭހުގެ ދެ ވަނަ ހޯދީ 807 ޕޮއިންޓާ އެކު "ގޯޅިއަންސް" ސްޕޯޓްސް ކްލަބެވެ. ތިން ވަނަ ލިބުނީ 608 ޕޮއިންޓު ހޯދައިގެން ތިން ޑިޓިއުން ފިޝިން އެވެ.

އުރީދޫގެ މި ފަހަރުގެ މަސްރޭހުގައި އެންމެ ބަރު މަސް ބޭނުމުގެ ރިކޯޑު ހެދީ 37 ކިލޯގެ ފާނައެއް ބާނައިގެން ހުސެއިން ނައީމެވެ.

މުބާރާތުގެ އެންމެ މޮޅު މަސްވެރިއަކަށް ހޮވުނީ ގޯޅިއަންސް ސްޕޯޓްސް ކްލަބުގެ ހަސަން އައްޒާމެވެ. އެންމެ މޮޅު އަންހެން މަސްވެރިޔަކީ ޑިޓިއުން ފިޝިންގެ ފާތިމަތު ފެޒްލީނެވެ. އެވެ.

އުރީދޫ މަސް ރޭސް ދެން ކުރިއަށް ދާނީ ޅ. ނައިފަރުގައި މި މަހުގެ 16 ގަ އެވެ. އަދި ތިނަދޫގައި 23 ގައި ރޭސް އޮންނާނެ އެވެ.

މި މުބާރާތް އޮންނަ ކޮންމެ ރަށަކުން ވެސް ވަކިވަކިން ވަނަތައް ހޮވާނެ އެވެ.

މަސްރޭހުގެ އެއް ވަނަ ޓީމަށް 25،000ރ. ލިބެ އެވެ. ދެ ވަނަ އަށް 10،000ރ. އަދި ތިން ވަނަ ޓީމަށް ދެނީ 5،000ރ. އެވެ. އެންމެ މޮޅު މަސްވެރިޔާއަށް 1،000ރ. އަދި އެންމެ މޮޅު ފިޝަވުމަން ނުވަތަ އަންހެން މަސްވެރިޔާ އަށް ވެސް 1،000ރ. ވަނީ ހުށަހަޅައިފަ އެވެ. އެންމެ މޮޅު މަސްވެރިޔާ އާއި އަންހެން މަސްވެރިޔާ އަށް ޕިއޯ އަލްޓިމެޓްސީ ސްޕިރިޓް/ގޭންގްސްޓަ (އެޗް/ޑީ) ދޮއްޓެއް ވެސް ވަނީ އިނާމަކަށް ހުށަހަޅައިފަ އެވެ.