މާފަންނު ސަހަރާގެ ގަބުރުތައް ކޮނެ، އެތަން ސާފު ކުރާނެ ބަޔަކު ހޯދަން މާލެ ސިޓީ ކައުންސިލުން އިއުލާންކޮށްފި އެވެ.
ކައުންސިލުން ބުނީ އެ މަސައްކަތްކޮށް ދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މި މަހުގެ 20 އާ ހަމައަށް ހުޅުވާލާފައިވާ ކަމަށެވެ.
ކައުންސިލުން ބުނި ގޮތުގައި މާލޭގެ މައި މަގު ކަމަށްވާ މަޖީދީ މަގަށްވާ ގޮތަށް އޮންނަ މާފަންނު ސަހަރާ އިން ހުސްކުރަން ހަމަޖެހިފައި ވަނީ 36،153 އަކަފޫޓުގެ ސަރަހައްދެކެވެ. ނަމަވެސް، އެތަން ހުސްކުރަނީ ކޮން ބޭނުމަކަށް ކަމެއް ހާމަކޮށްފައެއް ނުވެ އެވެ.
އެކަމަކު މީގެ ކުރިން މާލޭގެ ޑެޕިއުޓީ މޭޔަރު އަހުމަދު ނަރީޝް ވިދާޅުވެފައިވާ ގޮތުގައި މާފަންނު ސަހަރާގައި ޕާކިން ޒޯނެއް ހެދުމަށް އޮތީ ނިންމައިފަ އެވެ.