މަގުމަތީގެ ރައްކާތެރިކަން ކަށަވަރު ކުރުމަށްޓަކައި ކޮންމެ މީހަކު ވެސް ފަރުދީ ޒިންމާ އަދާކޮށް ގާނޫނުތަކާއި ގަވައިދުތަކަށް ހުރުމަތްތެރިކޮށް ހިތާ ބަޔަކަށް ވާން ޖެހޭ ކަމަށާއި އެއީ ވަރަށް ވެސް މުހިއްމު ކަމެއް ކަމަށް ނައިބު ރައީސް ހުސައިން މުހައްމަދު ލަތީފް ވިދާޅުވެއްޖެ އެވެ.
ސްކޫލް ދަރިވަރުންނަށް ޚާއްސަކޮށްގެން ކުރިއަށްގެންދާ "ޓްރެފިކް މޮނިޓަރސް "ޕްރޮގްރާމްގެ 100ވަނަ ޕްރޮގްރާމްގެ ނިމުން ފާހަގަކުރުމަށް ފުވައްމުލަކުގައި ބޭއްވި ރަސްމިއްޔާތުގައި އެ މަނިކުފާނު ވިދާޅުވީ، މަގުމަތީގެ ސަލާމަތާ ރައްކާތެރިކަން ކަށަވަރުކުރުމަށް ރައީސް ޑރ.މުޙައްމަދު މުޢިއްޒުގެ ޚާއްސަ އިރުޝާދުގެ ދަށުން މުހިންމު ގިނަ މަސައްކަތްތަކެއް ކަމާގުޅުން ހުރި އިދާރާތަކުން ފަށާފައިވާކަމަށެވެ.
އެހެންވެ އެކަމަށް ކުރެވޭ މަސައްކަތްތަކާ އެކީ ފަރުދީ ގޮތުން ރައްޔިތުން އަދާކުރަން ޖެހޭ ޒިންމާއެއް އޮތްކަން ދަނެ، އެ އ ޒިންމާ އަދާކުރަން ނައިބު ރައީސް އިލްތިމާސްކުރެއްވި އެެވެ.
އެ މަނިކުފާނު ވިދާޅުވީ މަގުތަކުގެ ސަލާމަތާއި ރައްކާތެރިކަން ކަށަވަރުކުރުމަށް ހެދިފައިވާ ޤަވައިދުތަކަށް އަމަލުކޮށްފި ނަމަ ވަރަށް އަމާން މުޖުތަމަޢުއެއް ވެސް ޤާއިމުކުރެވޭނެ ކަމަށެވެ.
"އޯވަޓޭކް ނުކުރުމާއި ދުވާރުން ހިނގުމާ، ކަފިހި ހުރަހުން ހުރަސްކުރުމާ، ދުއްވާއިރު ސަމާލްކަން ދިނުމާއި މިއީ ފަރުދީ ގޮތުން ކުރެވޭނެ ކަންކަން،" ނައިބު ރައީސް ވިދާޅުވި އެވެ. "މަގުމަތީގެ ރައްކާތެރިކަމަށް މި ހިންގޭ ޕްރޮގްރާމްތަކުން ހެޔޮ ބަދަލެއް ނެރެވޭނެ."
ފުލުވައްމުލަކު ސްކޫލް ދަރިވަރުނނަށް ހާއްސަކޮށްގެން ޓްރެފިކް މޮނިޓާސް ޕްރޮގްރާމް ހިންގީ އެ ސިޓީގައި މިހާރު ކުރިއަށް ގެންދާ "ރައްކާ" ރޯޑްޝޯގެ ތެރެއިންނެވެ. ޓްރެފިކް މޮނާޓާސް ޕްރޮގްރާމް ހިންގަނީ ގްރޭޑް 6، 7 އަދި 8 ގެ ދަރިވަރުންނަށް އަމާޒުކޮށްގެނެވެ.
އެ ޕްރޮގްރާމްގެ ދަށުން މިހާތަނަށް ތަކުގައި 3،000 އަށްވުރެ ގިނަ ދަރިވަރުން ވަނީ ތަމްރީންކޮށްފައިވެ އެވެ. ފުވައްމުލަކުގައި ހިންގި ޓްރެފިކް މޮނީޓާސް ޕްރޮގްރާމަކީ މީގެ 100 ވަނަ ޕްރޮގްރާމެވެ. އޭގައި ފުވައްމުލަކުގެ ސްކޫލްތަކުން 124 ދަރިވަރުން ބަިއވެރިވި އެވެ.
އޭގެ ތެރޭގައި ހިމެނެނީ ފުވައްމުލަކު ސްކޫލުގެ 32 ދަރިވަރަކާއި ހާފިޒު އަހްމަދު ސްކޫލުގެ 34 ދަރިވަރަކާއި ޏ. އަތޮޅު ތައުލީމީ މަރުކަޒްގެ 27 ދަރިވަރެއްގެ އިތުރުން މުޙައްމަދު ޖަމާލުއްދީން ސްކޫލުގެ 31 ދަރިވަރެކެވެ.