އުރީދޫ މޯލްޑިވްސްގެ ފުރަތަމަ ބައިނަލްއަގްވާމީ އީ-ސްޕޯޓްސް މުބާރާތް އުރީދޫ ނޭޝަން "ގްލޯބަލް ފޭސްއޮފް" ނިންމާލައިފި އެވެ.
ރާއްޖެ އާއި ގަތަރުގެ ހުނަރުވެރި ގޭމަރުންގެ މެދުގައި ރޮކެޓް ލީގުގެ ވަރުގަދަ ވާދަވެރިކަން ދައްކުވައި ދިން މި މުބާރާތް ނިމިގެން ދިޔައީ ކުލަގަދަ ފިނާލޭއަކާ އެކީގައި ރޭގަ އެވެ.
މުބާރާތް ކާމިޔާބު ކުރީ ގަތަރުގެ ޓީމުންނެވެ.
މި މަހުގެ 8-10 އަށް ކުރިއަށް ދިޔަ "ގްލޯބަލް ފޭސްއޮފް" އަކީ އުރީދޫ ނޭޝަން މޯލްޑިވްސް އިން ބައިނަލްއަގްވާމީ އީ-ސްޕޯޓްސް ދާއިރާއަށް ތައާރަފުވި ފުރަތަމަ މަސައްކަތެވެ.
އުރީދޫގެ 19 ވަނަ އަހަރީ ދުވަހާ ވެސް ގުޅުވައިގެން ބޭއްވި މުބާރާތް ކުރިއަށް ގެންދިޔައީ 1،919 ޑޮލަރުގެ އިނާމާ އެކީގަ އެވެ. .
"ގްލޯބަލް ފޭސްއޮފް" ރޮކެޓް ލީގުގެ ފޯމެޓްގައި ރާއްޖެ އާއި ގަތަރުގެ ގޭމަރުން ވަނީ ވަރުގަދަ ކުޅުމެއް ދައްކާފައިވާ އިރު، މިއިވެންޓް އުރީދޫ ނޭޝަން ޔޫޓިއުބް ޗެނަލުން ލައިވް ސްޓްރީމްކޮށް، ރާއްޖެ އާއި ގަތަރުގެ ގޭމިން ކޮމިއުނިޓީގެ ތެރޭގައި ހުރި ހުނަރާއި ދައްކުވައި ދިނެވެ.
އުރީދޫ ވަނީ މުބާރާތުގެ ބައިވެރިންނާއި ސަޕޯޓަރުންނަށް ޝުކުރު ވެސް އަދާކޮށްފަ އެވެ.