ޤައުމީ ޔުނިވާސިޓީ (އެމްއެންޔޫ) ތެވެލި އިންޓަނޭޝަނަލް ކޮންފެރެންސް މި މަހު ފަށަން ތައްޔާރުވެއްޖެ އެވެ.
"ބްރިޖިން ބައުންޑަރީސް: އެކްސްޕްލޯރިން ސިނަޖީސް އެކްރޮސް ރިސާޗް ޑިސިޕިލިނަރީސް"ގެ ނަމުގައި ބާއްވާ ކޮންފަރެސް އޮންނާނީ މި މަހުގެ 19 އާއި 20 ގައި އެމްއެންޔޫގެ ސެންޓްރަލް އޮޑިޓޯރިއަމްގަ އެވެ.
މި ކޮންފެރެންސްގައި އެކި ދާއިރާތަކުގެ ދިރާސާކުރުމުގެ ތަފާތު އެކި އުސޫލުތަކާއި ހަމަތަކާ ގުޅޭ ގޮތުން މަޝްވަރާކޮށް، ތަފާތު ދާއިރާތަކުގައި ކުރެވިފައިވާ ދިރާސާތަކާ ގުޅޭ ހުށައެޅުންތަށް ފެނިގެން ދާނެ އެވެ.
ކޮންފަރެންސްގެ ކީނޯޓް ސްޕީކަރުންގެ ގޮތުގައި ހިމެނެނީ ޔުނިވާސިޓީ އޮފް ވޮޝިންޓަންގެ އޯޝަންއޯގްރާފަ، ޑރ. ލުކް ރެއިންވައިލް، މޯލްޑިވިސް ކްލައިމެޓް އޮބްޒަރވަޓޮރީ (އެމްސީއޯއެޗް) ގެ އެންވާރޮމެންޓަލް ސައިންޓިސްޓް ޑރ. ކްރިޝްނަކާންތް ބުދަވަންތު އާއި ބްރިމިންގްހަމް ސިޓީ ޔުނިވާސިޓީގެ ޕްރޮފެސަރު ޚަވާރް ހަމީދާއި އައިޖީއެމްއެޗްގެ ސީނިއަ ކޮންސަލްޓެންޓް ސަބް-ސްޕެޝަލިސްޓް، ޑރ. އައިޝަތު އެލީނާގެ އިތުރުން ކިޔޯޓޯ ޔުނިވާސިޓީގެ ޕްރޮފެސަރު ހިރޮއާކީ އޮގާޓާ އެވެ.
ކޮންފެރެންސްގައި ކަނޑާއި ކަނޑުގެ ދިރުންތަކާއި ގުޅޭ ގޮތުން ކުރެވިފައިވާ ދިރާސާތަކާއި، ތިމާވެއްޓާއި މޫސުމަށް އަންނަ ބަދަލުތަކާއި، ޑިޖިޓަލް ވަސީލަތްތަށް ބޭނުންކޮއްގެން ތަޢުލީމު ފޯރުކޮއްދިނުމާއި ގުޅޭ ދިރާސާއާއި، ހިތުގެ ބަލިތަކާއި އެފަދަ ބަލިތަކަށް ހުރި ފަރުވާއާއި ގުޅުން ހުރި ދިރާސާގެ އިތުރުން އިންޕޮމޭޝަން ޓެކްލޮޖީ (އައިޓީ) ދާއިރާއާއި ގުޅުން ހުރި ދިރާސާތައް ވެސް ހިއްސާ ކުރެވޭނެ އެވެ.
"ތެވެލި ކޮންފެރެންސް" ގެ މަގުސަދަކީ ދުނިޔޭގެ އެކި ކަންކޮޅުތަކުގައި ތިއްބަވާ ތަޖުރިބާކާރު ބޭފުޅުންނާއި ތަޢުލީމީ ބޭފުންގެ އެއްބާރުލުމާ އެކީ ދަރިވަރުން އެކި ދާއިރާތަކަށް އަހުލުވެރިކުރުވައި މަޢުލުމާތު މުއްސަނދިކުރުމެވެ.